Fækkar í hópi hátekjufólks

Fjöldi ein­stak­linga sem greiddi tekju­skatt í efsta þrepi álagn­ing­ar­árið 2025 dróst sam­an um 1.700 manns frá fyrra ári og voru þeir nú ríf­lega 16 þúsund.

Þetta kem­ur fram í sam­an­tekt fjár­málaráðuneyt­is­ins á vef Stjórn­ar­ráðsins um niður­stöður álagn­ing­ar rík­is­skatt­stjóra á ein­stak­linga vegna tekna og eigna árið 2024.

Hjá tæp­lega 55% sem greiddu tekju­skatt var 2. skattþrep þeirra hæsta skattþrep. 41% greiddi ein­göngu í fyrsta þrepi og tæp­lega 4,6% greiddu í efsta skattþrep­inu.

Tæp­lega 250 þúsund manns greiddu tekju­skatt

Fram­telj­end­ur í álagn­ingu voru 354.000 og fjölgaði um 9.500 á milli ára. Al­menn­ur tekju­skatt­ur nam 259 millj­örðum króna og fjár­magn­s­tekju­skatt­ur 63 millj­örðum króna.

Sam­tals nam tekju­skatt­ur til rík­is­sjóðs 322 millj­örðum króna og 387 millj­arðar runnu í út­svar til sveit­ar­fé­laga.

Tæp­lega 250 þúsund manns fengu álagðan tekju­skatt og 339 þúsund álagt út­svar. Þeir sem höfðu eng­ar tekj­ur sem falla und­ir skatt­stofn voru 16 þúsund og hlut­fall þeirra lækkaði lít­il­lega.

Heild­ar­eign­ir ein­stak­linga voru metn­ar á 13.258 millj­arða í árs­lok 2024, en skuld­ir námu 3.350 millj­örðum. Eigið fé jókst um 628 millj­arða og munaði þar mest um fast­eigna­verð.

• Blogga um frétt