Isavia lokar „nyrstu mosku í heimi“
Setja bókamerki
Isavia hefur tekið þá ákvörðun að loka kaffiskúr leigubílstjóra á þriðjudaginn, en ráðherra í ríkisstjórn hafði lýst skúrnum sem „nyrstu mosku í heimi“. Er þessi ákvörðun tekin vegna skorts á viðhaldi í skúrnum.
Þetta segir Guðjón Helgason, upplýsingafulltrúi Isavia, í samtali við mbl.is en í dag sendi Isavia tölvupóst á leigubílstjóra til að upplýsa þá um ákvörðunina.
„Umræðan um afdrepið varð til þess að við fórum að skoða ástandið á skúrnum og úttektin leiddi í ljós að aðstaðan uppfyllti ekki kröfurnar sem eru gerðar til húsnæðis af þessu tagi. Salernisaðstaðan var ekki boðleg og aðstöðunni almennt ekki viðhaldið,“ segir Guðjón.
Taka fulla ábyrgð á viðhaldsskorti
mbl.is hafði áður greint frá því að samkvæmt leigubílstjórum væri aðstaðan, og sérstaklega salernisaðstaðan, ekki góð í skúrnum eftir að hópur erlendra leigubílstjóra tók yfir skúrinn. Gólfið á salerninu var til dæmis sagt ítrekað blautt þar sem menn böðuðu fætur sínar í vaskinum fyrir bænahald.
„Við sem eigandi tökum fulla ábyrgð á því að viðhaldi hafi ekki verið sinnt,“ segir Guðjón.
Hann segir að leigubílstjórar geti notað salernisaðstöðu inn á flugstöðinni eins og aðrir þjónustuaðilar.
Yfirtaka erlendra leigubílstjóra á kaffiskúrnum vakti mikla athygli þegar Ríkisútvarpið greindi frá málinu. Var skúrnum lýst sem „bænahúsi“ af leigubílstjórum og Eyjólfur Ármannsson innviðaráðherra sagði að kaffiskúrinn væri „nyrsta moska í heimi“.
Megum ekki gera þetta að kistu
Léleg staða menntakerfisins skaðar framleiðni
Peningarnir fara ekki inn á erlendan bankareikning
Khamenei: „Bandaríkin græddu ekkert á árásunum“
Samstarf útatað rauðri málningu og fiðri
Landsréttur sýknar Pál af kröfum Aðalsteins
Telur samræmt námsmat nauðsynlegt