Samningnum var aldrei sagt upp

Samn­ingi Hafn­ar­fjarðar við skáta­fé­lagið Hraun­búa um viðhald á tjaldsvæðinu á Víðistaðatúni var aldrei sagt upp.

Þetta seg­ir Valdi­mar Víðis­son, bæj­ar­stjóri Hafn­ar­fjarðar, í sam­tali við mbl.is. Valdi­mar seg­ir samn­ingaviðræður hafa staðið yfir í nokk­urn tíma en að sam­komu­lag hafi náðst. 

Í gær birt­ist grein á mbl.is, þar sem fram kom í viðtali við Bjarna Frey Þórðar­son, fé­lags­for­ingja skáta­fé­lags­ins Hraun­búa, að Hafn­ar­fjarðarbær hefði ein­hliða sagt upp samn­ingi við skáta­fé­lagið um viðhald á tjaldsvæði. Skáta­fé­lagið var ósátt þar sem samn­ing­ur­inn er stór tekju­lind fyr­ir fé­lagið og því um mjög áhrifa­mikla ákvörðun að ræða.

Frétt af mbl.is

Blaut tuska í and­litið í af­mæl­is­gjöf

Samn­ingaviðræður en eng­in staðfest­ing

Valdi­mar seg­ir samn­ingaviðræður við skát­ana hafa staðið yfir í nokk­urn tíma, þegar ljóst var að tjaldsvæðið var illa farið. Kom­ist var að sam­komu­lagi um ákveðinn milli­veg í sum­ar til að vernda grasið en fara í viðhald í leiðinni til þess að starf­semi gæti farið fram í sum­ar á tjald­stæðinu.

Samn­ing­ar náðust en Valdi­mar seg­ir skát­ana aldrei hafa fengið staðfest­ingu á því frá bæn­um að samn­ing­ur­inn hafi verið form­lega samþykkt­ur í ráði. Hann seg­ir þetta sam­komu­lag þó samþykkt.

„Það var samt al­veg ljóst, vegna ákvæðna í samn­ingn­um sem snúa að tjaldsvæðinu, að við þyrft­um að taka upp samn­ing­inn til sam­tals við skát­ana um fram­haldið, og það var byrjað,“ sagði Bjarni.

Sam­tal um end­ur­skoðun

Valdi­mar seg­ir um­hverf­is og fram­kvæmd­ar­ráð hafa fengið málið til sín og fjallaði um það út frá lóðinni og viðhaldi. Þau hafi lagt það til, við íþrótta og-tóm­stunda­nefnd, að samn­ing­ur­inn yrði end­ur­skoðaður og samn­ingn­um eins og hann er núna sagt upp og hann end­ur­skoðaður.

Íþrótta- og tóm­stund­ar­nefnd tók málið fyr­ir í gær og bókuðu það að það þyrfti að taka sam­tal við skát­ana um end­ur­skoðun á samn­ingi sem snýr að tjaldsvæðinu. Niðurstaða nefnd­ar­inn­ar var því sú að ekki þyrfti að segja samn­ingn­um upp, held­ur væri nóg að end­ur­skoða hann.

„Samn­ingn­um hef­ur ekki verið sagt upp, held­ur er í end­ur­skoðun í sam­tali við Hraun­búa,“ seg­ir Valdi­mar. Hann kveðst þó hafa full­ing skiln­ing á því að skát­un­um hafi brugðið vegna orðalags í til­lögu um­hverf­is- og fram­kvæmd­ar­ráðs, þar sem til­lag­an snéri að því að það þyrfti að segja samn­ingn­um upp. Það var þó til­laga, en ekki ákvörðun. 

Valdi­mar seg­ir að sam­talið um samn­ing­inn við skát­ana muni halda áfram núna og að til standi að tjaldsvæðið verði rekið í sam­starfi við skáta­fé­lagið Hraun­búa.

• Blogga um frétt