Skemmtiferðarskipi snúið við vegna vinds

Ítölsku skemmti­ferðaskipi sem var á leið til Reykja­vík­ur var snúið við fyrr í dag vegna vinds.

Skipið, Costa Favo­losa, var á leið frá Ak­ur­eyri en var snúið við áður en það var komið inn í Viðeyj­ar­sund.

Að sögn Gunn­ars Tryggva­son­ar, hafn­ar­stjóra Faxa­flóa­hafna, var skip­inu snúið við eft­ir að vind­hviða fór yfir viðráðan­leg viðmið.

Drátt­ar­bát­ur­inn Magni var þá send­ur á vett­vang með haf­sögu­mann og beið svo í höfn­inni ef þörf væri á aðstoð. 

Sigl­ir í hringi fyr­ir utan Kolla­fjörð

„Það var að gera at­lögu að Sunda­höfn­inni en þegar vind­hviða fór yfir viðmið hjá okk­ur þá ákváðu haf­sögumaður­inn og skip­stjóri í sam­ein­ingu að snúa skip­inu við og bíða af sér næstu klukku­tíma,“ seg­ir Gunn­ar í sam­tali við mbl.is.

Sem stend­ur er skipið nú fyr­ir utan Kolla­fjörð og sigl­ir þar í hringi.

„Það fer best um farþeg­ana þegar skipið er á ferð,“ seg­ir Gunn­ar og nefn­ir að stefnt sé á að sigla inn í höfn í kvöld.

• Blogga um frétt