Hlaupa í alla nótt

Um­fangs­mesta ut­an­veg­ar­hlaup lands­ins, Heng­ill Ultra, hófst rétt í þessu í 13. sinn en kepp­end­ur sem stefna á að hlaupa 106 km um Hengils­svæðið voru ræst­ir af stað klukk­an 18.

Mik­il eft­ir­vænt­ing var í loft­inu við rásmarkið en 21 vask­ur hlaup­ari ætl­ar sér að hlaupa kíló­metr­ana 106 að þessu sinni.

Að nógu er að huga fyr­ir hlaup sem þetta en sam­kvæmt skipu­leggj­end­um keppn­inn­ar er ráðgert að hlaupið verði í alla nótt og að fyrstu kepp­end­ur komi í mark ein­hvern tím­ann fyr­ir há­degi á morg­un.

Skjótt skip­ast veður

Að sögn skipu­leggj­anda er veður­spá­in með besta móti sem stend­ur, en aðstæður geta þó breyst með skömm­um fyr­ir­vara enda er hlaupaleiðin mjög fjöl­breytt. Frá miðbæ Hvera­gerðis ligg­ur leiðin inn að Hengli, yfir fjall­g­arðinn, niður Sleggju­beins­skarð og þaðan til baka.

Í ár eru er­lend­ir kepp­end­ur í fyrsta sinn í meiri­hluta en þeir koma frá átta lönd­um, meðal ann­ars frá Græn­landi, Frakklandi og Svíþjóð.

Í fyrra­málið leggja svo 109 hlaup­ar­ar af stað í 53 kíló­metra hlaup og í kjöl­farið verður ræst í styttri vega­lengd­ir.

• Blogga um frétt