„Stefnir í neyðarástand í þessum málum“

Rósa Guðbjarts­dótt­ir, þing­kona Sjálf­stæðis­flokks­ins, gagn­rýn­ir aðkomu rík­is­ins að tak­mörkuðu fram­boði hjúkr­un­ar­rýma. „Það stefn­ir í neyðarástand í þess­um mál­um,“ seg­ir hún um höfn­un til­boða frá einkaaðilum sem buðust til að taka þátt í upp­bygg­ingu hjúkr­un­ar­rýma.

Rósa gagn­rýn­ir aðkomu rík­is­stjórn­ar­inn­ar að upp­bygg­ingu hjúkr­un­ar­rýma og seg­ir ljóst að fyr­ir liggi óút­skýrð stefnu­breyt­ing frá fyrri rík­is­stjórn.

„Fyrri rík­is­stjórn og heil­brigðisráðherra höfðu áttað sig á þörf­inni og fjár­hæðunum sem um ræðir og und­ir­búið markaðskönn­un til að aug­lýsa eft­ir einkaaðilum um sam­starf við upp­bygg­ingu hjúkr­un­ar­heim­ila. Aug­lýst var í lok síðasta árs eft­ir áhuga­söm­um aðilum sem vildu leggja til fast­eign­ir til leigu,“ sagði Rósa í ræðu sinni á Alþingi í gær.

Sam­kvæmt ræðu henn­ar og í sam­tali við mbl.is lýs­ir hún yfir von­brigðum með að eng­ar skýr­ing­ar hafi fylgt því þegar öll­um til­boðum einkaaðila, í markaðskönn­un um bygg­ingu hjúkr­un­ar­rýma, var hafnað í liðinni viku.

Um 700 aðilar á biðlista

Hún seg­ir að það skjóti skökku við að aðilar, sem höfðu lagt mikla vinnu í til­lög­ur sín­ar og voru komn­ir langt með hönn­un og jafn­vel fjár­mögn­un, fái ein­falt nei eft­ir margra mánaða bið og það án nokk­urra skýr­inga.

„Um 700 manns eru á biðlista eft­ir hjúkr­un­ar­rým­um í land­inu. Sam­kvæmt þarfagrein­ingu má bú­ast við að á næsta ári verði hátt í 1.000 manns á biðlista,“ sagði Rósa í ræðu sinni í gær.

Hún tek­ur jafn­framt fram að meðal­bygg­ing­ar­kostnaður hvers rým­is nem­ur um 65 millj­ón­um króna og því þurfi að fjár­festa fyr­ir 230 millj­arða króna á næstu 15 árum til að mæta þörf­inni.

„Við verðum að nýta krafta einkaaðila, líf­eyr­is­sjóða og fé­laga­sam­taka,“ seg­ir hún og vís­ar til þess að fyrri rík­is­stjórn hafi hafið und­ir­bún­ing að því með þeim hætti að aug­lýsa eft­ir áhuga­söm­um aðilum sem vildu leigja rík­inu fast­eign­ir und­ir ný hjúkr­un­ar­rými.

Upp­lifa að hafa verið hafðir af fífl­um

„Sam­kvæmt mín­um heim­ild­um voru um tíu aðilar sem sendu inn til­boð í þess­ari markaðskönn­un. Þeir voru með fjár­magn og lóðir, til­bún­ir að hefja fram­kvæmd­ir,“ seg­ir hún og held­ur áfram.

„Ein­hver orðaði það þannig við mig að menn upp­lifa að þeir hafi ein­fald­lega verið hafðir að fífli.“

Rósa seg­ir viðbrögðin frá nýrri rík­is­stjórn vera í and­stöðu við þau áform sem fyrri ráðherra mála­flokks­ins hafði lagt fram og seg­ir að stefnu­breyt­ing­in kalli á skýr­ing­ar, sér­stak­lega í ljósi yf­ir­lýs­inga fé­lags­málaráðherra um vilja til að fjölga hjúkr­un­ar­rým­um.

Frétt af mbl.is

Hjúkr­un­ar­heim­ili í stað höfuðstöðva Icelanda­ir

• Blogga um frétt