Reyndi að stinga af á stolinni bifreið

Lög­regl­an hand­samaði mann sem reyndi að stinga lög­reglu af á stol­inni bif­reið í hverfi 105. Ökumaður­inn ók yfir grasbala til að koma sér í und­an og í fram­hald­inu reyndi hann að hlaupa und­an lög­reglu en hann var að lok­um hand­samaður.

Ökumaður­inn er grunaður um akst­ur und­ir áhrif­um áv­ana- og fíkni­efna, akst­ur svipt­ur öku­rétt­ind­um , vörslu fíkni­efna,  vopna­laga­brot fyr­ir að bera vopn á al­manna­færi og nytjastuld á öku­tæki. Hann var vistaður í fanga­klefa vegna máls­ins og er það til rann­sókn­ar.

Þetta er meðal þess sem kem­ur fram í dag­bók lög­regl­unn­ar á höfuðborg­ar­svæðinu vegna verk­efna frá klukk­an 17 í gær til klukk­an 5 í morg­un.

Grunaður um ýmis um­ferðalaga­brot

Lög­reglu­stöð 2, sem sinn­ir Hafnar­f­irði, Garðabæ og Álfta­nes, hafði af­skipti af öku­manni sem er grunaður um ýmis um­ferðarlaga­brot en hann lenti í um­ferðaró­happi. Um­ferðalaga­brot­in sem hann er grunaður um er mis­notk­un á skrán­ing­ar­merkj­um, skjalafals, akst­ur svipt­ur öku­rétt­ind­um, trygg­ing­ar ekki í gildi og ekki búið að færa öku­tækið til aðalskoðunar. Ökumaður flutt­ur á slysa­deild til frek­ari skoðunar og málið til rann­sókn­ar.

Aðili var til vand­ræða í miðbæ Reykja­vík­ur að ónáða gang­andi veg­far­end­ur. Hon­um var gert að láta af hegðun sinni sem hann lofaði að gera.

• Blogga um frétt