Framkvæmd styrkveitinga óljós

Tryggja upp­lýs­ingaflæði

„Það á enn eft­ir að samþykkja fjár­auk­ann, svo það sé sagt, en við mun­um setja ákveðnar regl­ur eða leiðbein­ing­ar um fram­kvæmd­ina,“ seg­ir Þor­gerður og bæt­ir við að þær verði þó ein­fald­ar.

„Í fljótu bragði sér maður að til dæm­is Heims­sýn og Evr­ópu­hreyf­ing­in eru farn­ar af stað,“ seg­ir hún og get­ur sér til um að styrk­irn­ir renni til þess­ara tvennra sam­taka en slær þó um leið þann varnagla að enn eigi eft­ir að skoða þetta með ná­kvæm­ari hætti.

Hugs­un­in sé fyrst og síðast að tryggja upp­lýs­ingaflæði til al­menn­ings.

„Ekki bara ein­hliða áróður hvaðan sem hann kem­ur, þannig að al­menn­ing­ur geti tekið upp­lýsta ákvörðun um það hvort hann sé sam­mála því að halda áfram aðild­ar­viðræðum.“

Til­finn­ing­um hlaðið ri­sa­mál

Spurð hvort ekki sé eðli­leg­ast að þessi sam­tök fjár­magni mál­efna­áróður sinn sjálf og hvort ekki sé sér­stakt að stjórn­völd velji eitt mál­efni og veiti fjár­magn í umræður um það seg­ir Þor­gerður:

„Mér finnst nú áhuga­vert ef Mogg­an­um finnst þetta svo lít­il­vægt mál, mér finnst það áhuga­verð nálg­un.“

Blaðamaður bend­ir henni þá á að mörg mik­il­væg mál séu á dag­skrá án rík­is­styrktr­ar umræðu, til dæm­is veiðigjöld.

„Enda er fjár­magnið þar nægi­lega mikið. Þetta er fyrst og síðast ri­sa­mál og til­finn­ing­um hlaðið. Það er bara verið að spyrja hvort við eig­um að klára samn­ing­inn, en um leið þá vit­um við og höf­um verið vöruð við því að það eru alls kon­ar fals­frétt­ir, alls kon­ar gigg, í gangi hjá hinum og þess­um bott­um úti um all­an heim.

Og við erum ekk­ert að gera eitt­hvað annað en aðrar rík­is­stjórn­ir hafa gert. Hvort sem það var í Nor­egi á sín­um tíma eða í Svíþjóð og Dan­mörku.“