Innleiða tilskipun ESB um meðferð umbúða

Um­hverf­is-, orku- og lofts­lags­ráðuneytið hef­ur birt drög í sam­ráðsgátt stjórn­valda að breyt­ingu á reglu­gerð um meðferð umbúða og umbúðaúr­gangs. Mark­miðið er að inn­leiða Evr­ópu­til­skip­un. 

Þetta kem­ur fram í til­kynn­ingu á vef Stjórn­ar­ráðsins.

Mark­miðið með reglu­gerðinni er að inn­leiða til­skip­un Evr­ópuþings­ins og ráðsins um breyt­ingu á til­skip­um um umbúðir og umbúðaúr­gang til að draga úr áhrif­um til­tek­inna plast­vara á um­hverfið.

„Meðal helstu breyt­inga er að kveðið er á um skyldu til lág­marks­hlut­falls end­urunn­ins plasts í einnota plast­flösk­um fyr­ir drykkjar­vör­ur eða 25% frá 1. janú­ar 2026 og 30% frá 1. janú­ar 2030. Jafn­framt eru sett söfn­un­ar­mark­mið fyr­ir einnota plast­flösk­ur fyr­ir drykkjar­vör­ur sem eru 77% að lág­marki fyr­ir lok árs 2025 en 90% fyr­ir skila­gjalds­skyld­ar umbúðir. Fyr­ir lok árs 2029 skal hlut­fallið hafa náð 90% í báðum til­vik­um,“ seg­ir í til­kynn­ingu ráðuneyt­is­ins.

90% söfn­un­ar­hlut­fall á einnota drykkj­ar­um­búðum úr plasti

Á Íslandi hef­ur verið skila­kerfi á drykkj­ar­um­búðum í 35 ár. Til að tryggja það að fólk end­ur­vinni umbúðirn­ar er lagt á þær skila­gjald sem er svo end­ur­greitt neyt­end­um við skil.

Söfn­un­ar­hlut­fall einnota drykkj­ar­um­búða úr plasti hef­ur verið um 90% síðustu ár, að er kem­ur fram í til­kynn­ing­unni.

Til stend­ur nú að setja af stað nýtt end­ur­vinnslu­mark­mið fyr­ir umbúðaúr­gang og sett sér­tæk mark­mið fyr­ir ólík­ar úr­gangs­teg­und­ir.

• Blogga um frétt