Kristrún afsalar sér hátíðarávarpinu til Höllu

Kristrún Frosta­dótt­ir for­sæt­is­ráðherra hef­ur boðið Höllu Tóm­as­dótt­ur, for­seta Íslands, að flytja hátíðarávarp á Aust­ur­velli á 17. júní, í henn­ar stað. Þetta kem­ur fram á vef stjórn­ar­ráðsins. Hefði þetta verið fyrsta hátíðarávarp Kristrún­ar sem for­sæt­is­ráðherra.

Hátíðarávarpið hef­ur ávallt verið flutt af for­sæt­is­ráðherra og er því um nýbreytni að ræða. Þá verður at­höfn­in sýni­legri al­menn­ingi en áður.

Hátíðar­at­höfn­in á Aust­ur­velli verður í beinni sjón­varps­út­send­ingu á Rúv og bein út­varps­út­send­ing verður frá hátíðarguðsþjón­ust­unni sem hefst klukk­an kl. 10.15.

Að öðru leyti verður dag­skrá­in með hefðbundn­um hætti.

For­sæt­is­ráðherra legg­ur blóm­sveig frá ís­lensku þjóðinni að minn­is­varða Jóns Sig­urðsson­ar og fjall­kon­an flyt­ur ávarp en venju sam­kvæmt hvíl­ir leynd yfir því hver hún er þar til hún geng­ur út á völl­inn. Að lok­inni at­höfn fer skrúðganga frá Aust­ur­velli í Hóla­valla­kirkju­g­arð.

 Frek­ari upp­lýs­ing­ar um hátíðar­höld og götu­lok­an­ir í borg­inni má nálg­ast á vefn­um www.17j­uni.is.

Dag­skrá á Aust­ur­velli hefst kl. 11.10:

Kór­inn Graduale Nobili syng­ur Yfir voru ætt­ar­landi

For­sæt­is­ráðherra legg­ur blóm­sveig frá ís­lensku þjóðinni að minn­is­varða Jóns Sig­urðsson­ar

Kór syng­ur þjóðsöng­inn

Hátíðarræða for­seta Íslands

Kór syng­ur Hver á sér fegra föður­land

Fjall­kon­an flyt­ur ávarp

Horn­leik­ar­ar úr Sin­fón­íu­hljóm­sveit Íslands leika Ég vil elska mitt land

Skrúðganga frá Aust­ur­velli í Hóla­valla­kirkju­g­arð við Suður­götu kl. 11.50.

• Blogga um frétt