Mæðgur miðla þekkingu í Háskóla unga fólksins

Mæðgurn­ar Mar­grét Valdi­mars­dótt­ir og María Rós Kaldalóns vissu ekki að þær væru báðar að kenna í Há­skóla unga fólks­ins fyrr en þær mættu til vinnu fyrsta dag­inn. 

„Hún hef­ur gleymt að segja mér frá þessu hún María mín, henni finnst þetta kannski minna merki­legt en mér,“ seg­ir Mar­grét í sam­tali við mbl.is og hlær.

Há­skóli unga fólks­ins hófst á þriðjdag­inn og stend­ur yfir fram á föstu­dag. Í Há­skóla unga fólks­ins fá börn og ung­ling­ar að sækja fjöl­breytta dag­skrá tengda hinum ýmsu fræðigrein­um. 

María, sem braut­skrá­ist um helg­ina með BA-gráðu í hug­búnaðar­verk­fræði, mun kenna for­rit­un og tölvu­tækni ásamt því að sjá um tölvu­tækniþema­dag. Mar­grét kenn­ir af­brota­fræði í vik­unni en hún er dós­ent í fé­lags- og af­brota­fræði.

Blaðamaður mbl.is náði tali af þeim mæðgum og ræddi við þær um há­skól­ann og kennsl­una.

Stolt af dótt­ur­inni

Mar­grét seg­ir það vera mjög skemmti­legt að þær mæðgur skuli báðar vera að kenna í há­skól­an­um. „Ég er mjög stolt af henni,“ bæt­ir hún við.

María hef­ur verið aðstoðar­kenn­ari, eða dæm­a­tíma­kenn­ari, í hug­búnaðar­verk­fræði í vet­ur en tek­ur nú að sér kennslu í Há­skóla unga fólks­ins í fyrsta skipti. María seg­ir mjög skemmti­legt að kenna og seg­ist vel geta hugsað sér að kenna meira í framtíðinni.

„Það gæti verið skemmti­legt að kenna eitt og eitt nám­skeið í framtíðinni,“ seg­ir María.

Urðu báðar aðstoðar­kenn­ar­ar.

Mar­grét seg­ir það ekki hafa komið sér á óvart að María hafi orðið aðstoðar­kenn­ari. Hún seg­ir það skemmti­lega til­vilj­un að hún sjálf hafi líka verið aðstoðar­kenn­ari sam­hliða grunn­nám­inu sínu. „Það er eitt­hvað í genun­um okk­ar, sem ég veit ekki hvað er, ein­hver metnaður þarna,“ seg­ir Mar­grét.

Mar­grét seg­ir þær mæðgur hafa gam­an af því að ræða kennsl­una sín á milli. Hún seg­ir Maríu hafa sótt aðeins í ráð til mömmu sinn­ar, ekki mikið þó, en að þær hafi haft gam­an af frá­sögn­um hvor annarr­ar.

Mæðgurn­ar María Rós Kaldalóns og Mar­grét Valdi­mars­dótt­ir Ljós­mynd/​Aðsend

Mar­grét kenn­ir krökk­um af­brota­fræði

Mar­grét kenn­ir krökk­un­um sem sækja nám­skeiðið af­brota­fræði. Hún seg­ir krakk­ana, sem sækja af­brota­fræði í Há­skóla unga fólks­ins, mjög áhuga­sama. Aðsókn í verk­efnið sé mik­il og krakk­arn­ir hafi komið á óvart. „Þeim finnst þetta áhuga­vert og eru þegar að hugsa um þessi efni,“ seg­ir Mar­grét.

„Þeirra niður­stöður eru skyn­sam­ar og þeirra skýr­ing­ar eru í takti við kenn­ing­ar í af­brota­fræði,“ bæt­ir hún við. Hún seg­ir þau einnig koma með skyn­sam­ar lausn­ir við vanda, eins og for­varn­ir og sál­fræðiþjón­ustu.

Mar­grét grein­ir frá aukn­um áhuga á fræðinni. Aðspurð hvort hún haldi að þessi áhugi sé sprott­inn út frá sam­fé­lagsum­ræðu um of­beldi meðal ungs fólks seg­ir hún erfitt að segja til um það með vissu en það virðist vera svo.

Hún seg­ir krakk­ana greini­lega vera að velta þessu fyr­ir sér. Þau séu upp­lýst um stærstu mál­in í umræðunni og hafi áhuga á að ræða þau mál. „Ég held að það sé gagn­legt fyr­ir þau að ræða þetta og velta því fyr­ir sér hvað ger­ist núna og hverj­ir eru eft­ir­mál­ar og þannig.“

Vill vekja áhuga á for­rit­un

María seg­ist aðallega vera að kynna krakk­ana fyr­ir for­rit­un. Hún von­ast til þess að kennsl­an veki áhuga, sér­stak­lega hjá þeim sem vita ekki hvað for­rit­un er.

„Þetta er nátt­úru­lega ekki kennt í öll­um grunn­skól­um og er því nýtt fyr­ir sum­um og það verður gam­an að kynna námið fyr­ir þeim sem vita ekki af þessu,“ seg­ir María.

Hún seg­ir Há­skóla unga fólks­ins skipta miklu máli. „Það er rosa­lega mikið af náms­leiðum sem börn á grunn­skóla­aldri vita alls ekk­ert að séu til og meira að segja upp í mennta­skóla,“ seg­ir María. Hún seg­ist oft þurfa að út­skýra fyr­ir ung­menn­um sem sækja há­skóla­dag­inn, og eru að velta fyr­ir sér náms­leið í grunn­námi, hvað verk­fræði er. Það sé því frá­bært að krakk­arn­ir kynn­ist náms­leiðum og starfs­leiðum sem þau vissu ekki að væru til.

Frétt af mbl.is

250 krakk­ar læra af­brota­fræði, efna­fræði og for­rit­un

Mik­il­vægt að vekja áhuga á há­skóla­námi

Mar­grét seg­ir Há­skóla unga fólks­ins skemmti­legt verk­efni. „Þetta eru grunn­skólakrakk­ar og það er gam­an að gefa þeim inn­sýn inn í framtíðina og mögu­leg tæki­færi í námi,“ seg­ir Mar­grét.

Þau séu á mikl­um mót­un­ar­ár­um og það sé gott að vekja áhuga þeirra á há­skóla­námi.

• Blogga um frétt