Á borði rík­is­sátta­semj­ara

„Þess­ir starfs­menn hafa ekki fengið sömu launa­hækk­un og all­ur al­menn­ing­ur á Íslandi hef­ur fengið,“ seg­ir Árni. „Það er að segja 3,25% hækk­un í apríl 2024, 3,5% hækk­un 1. janú­ar 2025 og töflu­auka eða taxta­hækk­un núna 1. apríl 2025.“ Þó seg­ir hann að málið snú­ist jafn­vel frek­ar um þá staðreynd að ríkið og al­menni markaður­inn hafi samið um betri vinnu­tíma og vakta­hvata. Þau horfi ekki síður til slíkra kjara­bóta í þess­um samn­ingaviðræðum.

Árni seg­ir að farið sé að súrna í mönn­um hjá báðum stofn­un­um yfir því að svo lang­an tíma taki að finna lausn á mál­um. Rétt er að taka fram að áhafn­ir Land­helg­is­gæsl­unn­ar hafa ekki verk­falls­rétt þar sem hún flokk­ast sem lög­gæslu­stofn­un.

„Stjórn­völd tala í aðra rönd­ina um mik­il­vægi Land­helg­is­gæsl­unn­ar til að efla varn­ir lands­ins og halda úti björg­un­ar­tækj­um á viðsjár­verðum tím­um,“ seg­ir Árni. „Þau klifa á hversu stór­kost­leg­ir og mik­il­væg­ir þess­ir starfs­menn gæsl­unn­ar eru og svo mik­il­vægi haf­rann­sókna til að vakta og halda utan um stofn­stærðir fiski­stofna okk­ar. En það eru kald­ar kveðjur til okk­ar að geta ekki komið að borðinu og samið við okk­ur.“

Mál­inu var vísað til rík­is­sátta­semj­ara fyr­ir nokkru síðan og Árni seg­ir að menn séu ugg­andi yfir hæga­gangi í samn­ingaviðræðum. Rík­is­sátta­semj­ari hygg­ist ekki funda mikið eft­ir 17. júní en í júlí verði skrif­stof­an lokuð. Þá verði menn bún­ir að missa málið inn í sum­arið og ekki sé því út­lit fyr­ir að samn­ing­ar ná­ist í bráð.

Áhafn­ir LHG hafa verið kjara­samn­ings­laus­ar síðan í apríl 2024. mbl.is/​Eggert Jó­hann­es­son

Snú­ist ekki um launa­hækk­an­ir

Berg­ur Þorkels­son, formaður Sjó­manna­fé­lags Íslands, seg­ir lít­inn ágrein­ing vera um launa­hækk­an­ir, áhafn­ir fái sömu hækk­an­ir og aðrir á markaðnum.

„Kraf­an er að okk­ar fólk, bæði skip­stjórn­ar­menn og vél­stjór­ar, fái annaðhvort vinnustytt­ingu eins og all­ir aðrir starfs­menn hjá báðum stofn­un­um hafa fengið eða frí­daga­ávinnslu á helg­ar- og tylli­dög­um,“ seg­ir Berg­ur. „Ef þú ert á sjó á laug­ar­degi þá færðu einn frí­dag á móti. Okk­ar krafa er að þér sé ekki greitt með venju­leg­um degi held­ur fáir þú 1,8 daga fyr­ir að vinna á frí­degi.“ Berg­ur seg­ist nú bíða þess að boðað verði til nýs fund­ar. Stefnt var að fundi í síðustu viku en hon­um var frestað af hálfu samn­inga­nefnd­ar rík­is­ins.

Ástráður Har­alds­son rík­is­sátta­semj­ari seg­ir viðræður við stétt­ar­fé­lög­in vera í gangi og hafi gengið mis­jafn­lega en þeim hafi að minnsta kosti ekki verið slitið enn þá. Hann staðfest­ir að ekki hafi verið boðað til nýs fund­ar en til­lög­ur séu til skoðunar.