Tilraun Sýnar standist ekki lög

„Þetta yrði mik­il aft­ur­för á markaðnum og til þess fallið að draga úr þæg­ind­um og val­frelsi neyt­enda,“ seg­ir María Björk Ein­ars­dótt­ir for­stjóri Sím­ans um út­spil Sýn­ar hf. frá síðustu mánaðamót­um.

Í mark­pósti frá Sýn seg­ir að í lok sum­ars verði ekki leng­ur hægt að horfa á sjón­varps­efni fé­lags­ins öðru­vísi en í gegn­um mynd­lykla eða smá­for­rit Sýn­ar, sem enn er í smíðum. Þar und­ir eru m.a. frétt­ir og enski bolt­inn.

Frétt af mbl.is

Tjá­ir sig ekki um orðróm um að Stöð 2 verði af­lögð

Þvert á eðli­lega þróun 

„Það er ótví­rætt að þessi til­raun stenst ekki lög. Fjöl­miðlafyr­ir­tækj­um eins og Sýn hf. er skylt að miðla sjón­varps­út­send­ing­um til fjar­skipta­fyr­ir­tækja,“ seg­ir María Björk. Það sé grund­vall­ar­atriði í fjöl­miðlalög­um.  

„Málið snýst hins veg­ar ekki síður um þá eðli­legu kröfu neyt­enda að geta nálg­ast sjón­varps­út­send­ing­ar hvar sem þeim hent­ar,“ seg­ir María Björk.

„Að svipta þúsund­ir heim­ila þess­um aðgangi, nema þá aðeins að þau komi í enn meiri viðskipti við Sýn, er þvert á eðli­lega þróun á þess­um markaði.“ 

Ætla að tryggja neyt­end­um aðgang­inn áfram 

María Björk seg­ir að rann­sókn­ir sýni að greiðara aðgengi að efni dragi úr notk­un ólög­legra streym­isveitna, en notk­un þeirra bitni fyrst og fremst á þeim sem hafa at­vinnu af fram­leiðslu sjón­varps­efn­is. Þetta sé tví­mæla­laust skref í ranga átt í því sam­bandi.

Hún seg­ir málið komið til viðeig­andi eft­ir­litsaðila og tel­ur hún ljóst að þar muni til­raun­ir Sýn­ar tæp­lega hljóta bless­un. 

„Við höf­um fengið fjölda sím­tala frá óánægðum viðskipta­vin­um Sýn­ar, sem finnst þeim stillt upp við vegg. Okk­ar skila­boð eru skýr, við ætl­um að sjálf­sögðu að gera allt sem í okk­ar valdi stend­ur til að tryggja áfram­hald­andi aðgang að út­send­ing­un­um. En þess­ar til­raun­ir eru óheppi­leg­ar og til þess falln­ar að rugla neyt­end­ur í rím­inu,“ seg­ir María Björk að lok­um. 

• Blogga um frétt