Bryndísarbekkir prýða Kópavogsbæ

Bekk­ir til­einkaðir Bryn­dísi Klöru Birg­is­dótt­ur munu prýða göt­ur Kópa­vogs. Bekk­ur við Sala­laug í Kópa­vogi var af­hjúpaður á þriðju­dag­inn og er hann til minn­ing­ar um Bryn­dísi Klöru.

For­eldr­ar Bryn­dís­ar, Birg­ir Karl Óskars­son og Iðunn Ei­ríks­dótt­ir, af­hjúpuðu bekk­inn ásamt Vig­dísi, syst­ur Bryn­dís­ar Klöru. Bryn­dís Klara lést af sár­um sín­um í ág­úst síðastliðnum eft­ir að hafa orðið fyr­ir stungu­árás á Menn­ing­arnótt.

„Okk­ur þykir mjög vænt um að Bryn­dís­ar Klöru sé minnst í sín­um heima­bæ með þess­um fal­lega hætti. Við von­umst til þess að bekk­irn­ir minni fólk á mik­il­vægi þess að sam­fé­lag þar sem sam­kennd og sam­vinna eru í for­grunni er það sam­fé­lag sem þarf að efla og styðja,“ er haft eft­ir for­eldr­um Bryn­dís­ar í til­kynn­ingu frá Kópa­vogs­bæ. 

Tutt­ugu bekk­ir verða reist­ir í sveit­ar­fé­lag­inu en Stein­ar Guðmunds­son á frum­kvæðið að verk­efn­inu. Hann setti fram hug­mynd­ina um Bryn­dís­ar­bekki í hug­mynda­stöfn­un verk­efn­is­ins Okk­ar Kópa­vog­ur. Hug­mynd­in hlaut mik­inn stuðning Kópa­vogs­búa. 

Stein­ar var viðstadd­ur þegar bekk­ur­inn var af­hjúpaður ásamt Ásdísi Kristjáns­dótt­ur bæj­ar­stjóra Kópa­vogs og Friðriki Bald­urs­syni garðyrkju­stjóra, en hann hef­ur séð um verk­efnið fyr­ir hönd bæj­ar­ins. 

Bryn­dís­ar­bekk­irn­ir eru í ein­kenn­islit Bryn­dís­ar Klöru, bleik­um, og á þeim er skilti sem á stend­ur: Bryn­dís­ar­bekk­ur. Lát­um kær­leik­ann sigra, Bryn­dís Klara Birg­is­dótt­ir 2007-2024. 

Bekk­ir við alla grunn­skóla og íþrótta­hús bæj­ar­ins

Í sum­ar verður komið upp bekkj­um við alla grunn­skóla bæj­ar­ins og íþrótta­hús. Staðirn­ir eru vald­ir með það í huga að bekk­irn­ir séu sýni­leg­ir börn­um og ung­menn­um. 

Minn­ing­ar­sjóður Bryn­dís­ar Klöru legg­ur áherslu á að veita styrki til fræðslu, rann­sókna og verk­efna til að koma í veg fyr­ir að hörmu­leg­ir at­b­urðir á borð við and­lát Bryn­dís­ar Klöru end­ur­taki sig. 

Nán­ari upp­lýs­ing­ar um sjóðinn og hvernig má leggja hon­um lið er að finna á vef sjóðsins mbk.is

• Blogga um frétt