Kafað í fjármál flokksins

Op­in­ber­ir styrk­ir til Sósí­al­ista­flokks­ins, ætlaðir starf­semi stjórn­mála­sam­taka, hafa und­an­far­in ár runnið að hálfu til Alþýðufé­lags­ins og Sam­stöðvar­inn­ar og að hálfu til Vor­stjörn­unn­ar.

„Við sem erum ný­kjör­in inn í stjórn flokks­ins höf­um verið í stjórn­um flokks­ins og grasrót lengi og höf­um verið að biðja um skrif­lega samn­inga á milli flokks­ins og Alþýðufé­lags­ins eða Sam­stöðvar­inn­ar, eða jafn­vel bara samþykkt­ir í fund­ar­gerðum, en við höf­um ekk­ert fengið,“ seg­ir Karl Héðinn Kristjáns­son sem leiddi hall­ar­bylt­ingu í flokkn­um á síðasta aðal­fundi og sit­ur nú í fram­kvæmda­stjórn hans.

Frétt af mbl.is

Hall­ar­bylt­ing­in hrifsaði til sín öll sæt­in

Koma öllu upp á borð

Hann seg­ir Gunn­ar Smára Eg­ils­son, fyrr­ver­andi formann fram­kvæmda­stjórn­ar, hafa verið ófús­an til þess að af­henda skrif­leg gögn um lán­veit­ingu Sósí­al­ista­flokks­ins til Sam­stöðvar­inn­ar, sem nem­ur tug­um millj­óna frá ár­inu 2022.

„Þetta er loðið. Þegar þú inn­ir hann eft­ir skrif­legri samþykkt fyr­ir þess­ari lán­veit­ingu þá er hún ekki til, svo við höf­um séð,“ seg­ir hann.

Karl Héðinn seg­ir þetta vera stór­an þátt í því að hall­ar­bylt­ing­ar­menn sáu sér ekki annað fært en að koma nýrri stjórn að. Í kjöl­far stjórn­ar­skipta muni Sósí­al­ista­flokk­ur­inn segja skilið við Vor­stjörn­una og end­ur­skoða sam­band sitt við Sam­stöðina og koma því í form­legra horf.

„Við erum núna að kafa í fjár­mál flokks­ins til þess að koma öllu upp á borð og skýra málið,“ seg­ir hann.

Gunn­ar Smári vís­ar ásök­un­um Karls Héðins á bug. „Ég vissi ekki að Karl Héðinn væri að reyna að fá frá mér gögn, skrítið að hann seg­ist reyna það án þess að ég verði þess var. Öll fjár­hags­leg gögn eiga að liggja hjá gjald­kera fram­kvæmda­stjórn­ar,“ seg­ir hann. Ráðstöf­un­in hafi verið samþykkt af fé­lags­mönn­um með samþykki árs­reikn­inga und­an­geng­inna ára.

Lesa má nán­ar um málið á bls. 36 í Morg­un­blaðinu og í Mogga-app­inu í dag.