Kristrún: „Andstaðan kemur mér á óvart“

Kristrún Frosta­dótt­ir for­sæt­is­ráðherra seg­ir and­stöðuna sem birt­ist í tengsl­um við frum­varp fjár­mála- og efna­hags­ráðherra um víxl­verk­un ör­orku­líf­eyr­is­greiðslna, koma sér á óvart.

For­svars­menn líf­eyr­is­sjóða hafa haldið því fram að ef frum­varpið verði óbreytt feli það í sér skerðingu á eigna­rétt­ind­um sjóðfé­laga og geti leitt til skaðabóta­skyldu rík­is­ins sam­kvæmt 72. grein stjórn­ar­skrár­inn­ar.

Frétt af mbl.is

Talið skerða eign­ar­rétt­indi sjóðfé­laga

Frétt af mbl.is

LÍV gagn­rýn­ir fyr­ir­hugað frum­varp um ör­orku­líf­eyri­s­kerfi

Síðasta breyt­ing samþykkt af stjórn­ar­and­stöðunni

Kristrún seg­ir í sam­tali við mbl.is þetta vera nauðsyn­leg­ar breyt­ing­ar sem hafi legið lengi í far­vatn­inu. „Það lá al­veg fyr­ir að það kerfi sem var til staðar gerði það að verk­um að trygg­inga­stofn­un og líf­eyr­is­sjóðirn­ir voru að skerða fram og til baka áður en niður­stöðu var náð. End­an­leg upp­hæð sem rann til þeirra á ör­orku­bæt­um var kannski ekki aug­ljós í upp­hafi og það þurfti því að taka á þessu,“ seg­ir Kristrún.

„Það var líka vitað mál til að mynda þegar síðasta breyt­ing varðandi líf­eyr­is­greiðslur var samþykkt af nær öllu þing­inu, þar með talið þeim flokk­um sem eru núna í stjórn­ar­and­stöðu,“ bæt­ir hún við.

Frétt af mbl.is

„Stjórn­ar­skrár­brot á kostnað verka­fólks“

Frétt af mbl.is

Frum­varp um breyt­ing­ar á ör­orku­líf­eyri­s­kerf­inu samþykkt

Alltaf erfitt að fara í kerf­is­breyt­ing­ar

Kristrún seg­ir það koma sér á óvart sú andstaða sem er að birt­ast í tengsl­um við frum­varpið en það sé alltaf erfitt að fara í kerf­is­breyt­ing­ar.

„Það þarf að skoða þetta í sam­hengi við að það var verið að samþykkja nýj­ar ör­orku­kerf­is­breyt­ing­ar. Það verða þar háar upp­hæðir sem munu renna til þeirra sem fá ör­orku­bæt­ur. Ef þetta færi óbreytt í gegn, það er að segja ekki með þess­um breyt­ing­um á víxl­verk­un­ar­frum­varp­inu, þá væru þetta auðvitað miklu lægri upp­hæðir og þá væri póli­tíska niðurstaðan ekki sú sem ætluð var.“

Viðræður eru á milli líf­eyr­is­sjóðanna og fjár­málaráðuneyt­is­ins, með aðkomu annarra aðila, um frum­varpið.

• Blogga um frétt