Semja um fleiri aðgerðir vegna endómetríósu

Alma D. Möller heil­brigðisráðherra hef­ur ákveðið að láta vinna sam­ræmt verklag um þjón­ustu við kon­ur með en­dómetríósu sam­kvæmt alþjóðleg­um klín­ísk­um leiðbein­ing­um. Þá verður komið á fót ein­um miðlæg­um biðlista fyr­ir þenn­an sjúk­linga­hóp.

Þetta seg­ir í til­kynn­ingu frá heil­brigðisráðuneyt­inu.

Seg­ir þar enn frem­ur að mark­miðið sé að tryggja yf­ir­sýn, jafn­ræði og sam­ræmda fag­lega þjón­ustu sem og að skapa grund­völl fyr­ir lang­tíma­áætl­un um aðgerðafjölda í sam­ræmi við þjón­ustuþörf.

Þá hef­ur ráðherr­ann ákveðið að fela Sjúkra­trygg­ing­um Íslands (SÍ) að semja við læknamiðstöðina Klíník­ina um fleiri en­dómetríósuaðgerðir á þessu ári, en það er gert til að koma í veg fyr­ir rof í þjón­ust­unni.

Starfs­hóp­ur sett­ur sam­an til að þróa verklags­regl­ur

Und­an­far­in ár hef­ur átt sér stað já­kvæð þróun í þjón­ustu, fræðslu og sam­starfi vegna en­dómetríósu sem hef­ur bætt aðgengi og skilað mæl­an­leg­um ár­angri. Með styrk­ingu en­dómetríósu­teym­is Land­spít­ala og samn­ing­um við Klíník­ina um en­dómetríósuaðgerðir hef­ur tek­ist að bæta ár­ang­ur, efla þjón­ustu og stytta bið eft­ir grein­ingu og meðferð.

Jafn­framt er þjón­usta veitt á skurðstof­um Sjúkra­húss­ins á Ak­ur­eyri og HVE á Akra­nesi. Mik­il­vægt er að festa þenn­an ár­ang­ur í sessi og gera enn bet­ur. Til þess þarf sam­starf heil­brigðis­yf­ir­valda og þjón­ustu­veit­enda, jafnt op­in­berra og einka­rek­inna, og not­enda þjón­ust­unn­ar, seg­ir í til­kynn­ing­unni.

Kem­ur fram að til að stuðla að áfram­hald­andi bættri heild­rænni þjón­ustu við kon­ur með en­dómetríósu þurfi að þróa verklags­regl­ur í sam­ræmi við alþjóðleg­ar klín­ísk­ar leiðbein­ing­ar. Þær þurfi að ná yfir allt þjón­ustu­ferlið þ.m.t. grein­ingu, þverfag­lega meðferð og eft­ir­fylgni.

Hef­ur því ráðherr­ann ákveðið að skipa starfs­hóp með full­trú­um embætt­is land­lækn­is, SÍ, Land­spít­al­ans, Klíník­ar­inn­ar og Fé­lags ís­lenskra kven­sjúk­dóma­lækna til þess að setja sam­an slík­ar verklags­regl­ur og verður haft sam­ráð við Endósam­tök­in í þeirri vinnu.

Þá er fyr­ir­hugað að starfs­hóp­ur­inn ljúki störf­um sín­um fyr­ir lok októ­ber­mánaðar.

„Til að tryggja yf­ir­sýn yfir þjón­ustuþörf­ina þarf að koma á fót miðlæg­um biðlista þar sem all­ir fæðinga- og kven­sjúk­dóma­lækn­ar geta skráð sjúk­linga. Slík skrán­ing veit­ir yf­ir­lit yfir stöðuna í raun­tíma og stuðlar að mark­vissri þróun þjón­ust­unn­ar. Sam­hliða verður gerð lang­tíma­áætl­un um aðgerðaþörf til næstu 3–5 ára sem bygg­ir bæði á ár­legri og upp­safnaðri þörf. Áhersla verður lögð á að þjón­usta vegna en­dómetríósu byggi á jöfnu aðgengi, gagn­reyndri þekk­ingu, bestu reynslu og gagna­drifnu mati.“

• Blogga um frétt