Helgi Magnús fer beint á eftirlaun

„Ég erfði þetta mál frá fyr­ir­renn­ara mín­um og gerði mitt besta til að leysa það fag­lega og í sátt við alla hlutaðeig­andi,“ seg­ir í til­kynn­ing­unni.

Eins og fjallað hef­ur verið um óskaði Sig­ríður J. Friðjóns­dótt­ir rík­is­sak­sókn­ari eft­ir því síðasta sum­ar að Helgi yrði leyst­ur frá störf­um tíma­bundið vegna tján­ing­ar hans og orðfær­is í op­in­berri umræðu en hún taldi hátt­semi hans ósæmi­lega og ósam­rýman­lega starfi hans.

Guðrún Haf­steins­dótt­ir þáver­andi dóms­málaráðherra komst að þeirri niður­stöðu að ekki væri til­efni til þess en þegar Helgi mætti aft­ur til starfa eft­ir veik­inda­leyfi í des­em­ber fékk hann eng­in verk­efni.

Birti rík­is­sak­sókn­ari til­kynn­ingu þess efn­is að hún mæti það sem svo að Helga Magnús skorti al­mennt hæfi til að gegna embætti vara­rík­is­sak­sókn­ara og hún myndi þar af leiðandi ekki út­hluta hon­um nein­um verk­efn­um.

Helgi hef­ur því verið í starfi vara­rík­is­sak­sókn­ara, og fengið full laun greidd, í næst­um því heilt ár án þess að sinna nokkr­um verk­efn­um fyr­ir embættið.

Í svari dóms­málaráðuneyt­is­ins við fyr­ir­spurn Morg­un­blaðsins um hvernig starfs­lok­um Helga sé háttað, þar sem hann sé 61 árs og eigi um níu ár eft­ir af ævi­ráðning­unni, kem­ur fram að ekki hafi verið gerður starfs­loka­samn­ing­ur. Hann eigi rétt á eft­ir­laun­um í sam­ræmi við 4. mgr. 20. gr. stjórn­ar­skrár­inn­ar.

Fer Helgi Magnús því nú á eft­ir­laun, eins og hann væri að hætta sjö­tug­ur að aldri.