Fjöldi fólks gerði sér dagamun á þjóðhátíðardegi Íslendinga í dag í miðbæ Reykjavíkur.
Að venju var haldin skrúðganga og fjallkonan fór með ljóð en í fyrsta sinn ávarpaði forseti Íslands landsmenn frá Austurvelli.
Venja er fyrir að forsætisráðherra fari með ávarpið á hátíðarhöldunum en Kristrún Frostadóttir forsætisráðherra afsalaði sér hlutverkinu til Höllu fyrr í mánuðinum.