„Ég fór ekki í póli­tík til að segja að Ísland sé ómögu­legt eða Íslend­ing­ar eiga ekki að vera eins og þeir eru. Ég fór í póli­tík af því að mér er annt um Ísland. Það eru ákveðin gildi hérna sem ég held að við þurf­um að verja. Við sjá­um þau gildi und­ir árás, eða ógn er­lend­is frá. Við sjá­um þetta bara svona í okk­ar heims­hluta en líka kannski ákveðin merki um að það sé að rofna aðeins samstaðan í þjóðfé­lag­inu,“ svar­ar Kristrún Frosta­dótt­ir, for­sæt­is­ráðherra þegar hún er spurð um sína framtíðar­sýn fyr­ir Ísland.

„Ég er ótrú­lega stolt­ur Íslend­ing­ur“

„Hér verði ör­uggt að búa“

Kristrún bend­ir á að mjög mikl­ar breyt­ing­ar hafi orðið á ís­lensku sam­fé­lagi á und­an­förn­um árum. 

„Tækniþróun. Það hef­ur breyst sam­setn­ing þjóðar­inn­ar. Við fór­um úr því að vera með tíu pró­sent hér af er­lend­um rík­is­borg­ur­um í tutt­ugu pró­sent af þjóðinni. Þetta hef­ur al­veg gerst á mjög skömm­um tíma. Það eru allt aðrar kröf­ur gerðar til op­in­berr­ar þjón­ustu í dag en fyr­ir tíu, tutt­ugu, þrjá­tíu árum síðan. Við ger­um bara kröfu um að fólk fái jöfn rétt­indi hér, sama hvernig það fæðist eða hvaða þarf­ir það eru. Þannig að það eru mörg mál sem hafa komið upp, myndi ég segja á skömm­um tíma sem eru að ein­hverju leiti framþró­un­ar­mál og að ein­hverju leiti höf­um við misst stjórn á ein­hverj­um mála­flokk­um sem hafa skapað svona óróa í ís­lensku sam­fé­lagi og ég finn þetta. Þetta er áþreif­an­legt. Ég vil ekki næra þetta,“ seg­ir Kristrún og held­ur áfram:

„Ég vil reyna að halda aft­ur af þessu vegna þess að þetta hef­ur að mínu mati verið það besta sem ís­lenskt sam­fé­lag hef­ur haft, það er mögu­leik­ann á að sjá sjálf­an sig í ná­ung­an­um. Að geta sett sig í spor annarra sem að hér búa. Fyr­ir mér væri það ein­stakt ef við gæt­um varið áfram þessa stöðu. Hér verði ör­uggt að búa. Hér líði fólki vel og það sé ekki of langt á milli manna varðandi aðstöðu. Hvort sem það er tekj­ur eða hús­næði eða eign­ir eða annað.“

Hún tek­ur fram að með þessu sé hún ekki að segja að all­ir þurfi að vera eins. Það þurfi ekki all­ir að vera á sömu tekj­um og fólk má al­veg eiga pen­inga. Þetta hef­ur ekk­ert með það að gera.

Starf, ást, fé­lags­skap­ur, hús­næði og ör­yggi

„En ég held að það viti það all­ir sem eitt­hvað hafa dvalið er­lend­is að þessi nánd er eitt­hvað það besta við ís­lenskt sam­fé­lag og þetta ör­yggi. Þetta er eitt­hvað sem við verðum að verja. Síðan get­um talað um nýj­ar at­vinnu­grein­ar og há­launa störf og eitt­hvað svona. Í lok dags þá þarf fólk eitt­hvað að gera, ein­hvern að elska. Ein­hvern til að tala við og stað til að búa á og það þarf að vera ör­uggt. Það er stjórn­valda að reyna að tryggja þetta.“

Viðtalið við Kristrúnu Frosta­dótt­ur er aðgengi­legt í heild sinni fyr­ir áskrif­end­ur og hægt að nálg­ast það með því að smella á link­inn hér að neðan.

„Ég er ótrú­lega stolt­ur Íslend­ing­ur“

Tengd­ar frétt­ir

Dag­mál

Hefði viljað að fleiri flokk­ar styrktu Sam­stöðina

• Tvö­föld þjóðar­at­kvæðagreiðsla um ESB
• Lyk­ilþætt­ir í lífs­stíl for­sæt­is­ráðherra
• „Fyrst og fremst stolt af þjóðinni minni“
• „Ísland gaf okk­ur mjög mikið“

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Gúst­af Ad­olf Skúla­son: Þor­gerður Katrín Gunn­ars­dótt­ir plamp­ar í po­púl­isma