Fjöru­tíu manns komu að aðgerðum lög­reglu í tengsl­um við fíkni­efna­fram­leiðslu í gær. Megnið af þeim voru lög­reglu­menn en einnig sér­fræðing­ar.

Í kjöl­far hús­leita á nokkr­um stöðum á land­inu fóru hand­tök­ur fram og verður farið fram á gæslu­v­arðhald yfir sak­born­ing­um í dag.

„Hún var á mörg­um stöðum en það er nokkuð stór aðgerð,“ seg­ir Skarp­héðinn Aðal­steins­son, aðstoðar­yf­ir­lög­regluþjónn hjá lög­regl­unni á Norður­landi eystra, í sam­tali við mbl.is.

Aðspurður seg­ist hann ekki hafa upp­lýs­ing­ar um hversu langt gæslu­v­arðhaldið verður.

Hús­leit­ir taka lengri tíma

Aðgerðirn­ar hóf­ust um klukk­an 10 í gær­morg­un og var lög­regl­an á Norður­landi eystra í sam­starfi við lög­regl­una á Vest­ur­landi, lög­regl­una á höfuðborg­ar­svæðinu og sér­sveit rík­is­lög­reglu­stjóra.

Spurður hvers vegna aðgerðirn­ar hefðu tekið svona lang­an tíma seg­ir Skarp­héðinn hús­leit­ir geta verið mjög tíma­frek­ar aðgerðir, sér­stak­lega ef um um­fangs­meiri mál er að ræða, eins og í þessu til­felli. „Þá tek­ur svona vett­vangs­vinna bara lang­an tíma.“

Í til­kynn­ingu lög­reglu seg­ir að lög­regl­an á Norður­landi eystra hafi um nokk­urt skeið unnið að rann­sókn á skipu­lagðri brot­a­starf­semi sem tal­in sé tengj­ast fíkni­efna­fram­leiðslu. Með aðgerðunum í gær hafi verið unnt að staðfesta þess­ar grun­semd­ir en rann­sókn máls­ins sé á frum­stigi.