Í síðustu viku hófst eld­varna­átak sem Lands­sam­band slökkviliðs- og sjúkra­flutn­inga­manna hef­ur staðið ár­lega fyr­ir síðustu 30 ár. Átak­inu er ætlað fræða átta ára grunn­skóla­börn um allt land og fjöl­skyld­ur þeirra um mik­il­vægi þess að hafa eld­varn­ir og ör­yggi á heim­il­um í fyr­ir­rúmi. Ætla má að vel á annað hundrað þúsund Íslend­ing­ar hafi fengið þessa fræðslu í gegn­um tíðina og þykir fullt til­efni til að varpa ljósi á for­varn­ir sem tengj­ast eld­vörn­um - það er aldrei of var­lega farið.

Mar­on Berg Pét­urs­son, varaslökkviliðsstjóri hjá Slökkviliði Ak­ur­eyr­ar, seg­ir mik­il­væg­ast af öllu að setja reykja­skynj­ar­ana í fyrsta sæti þegar litið er til eld­varna heim­il­is­ins en Eld­varna­átak­inu var hleypt af stokk­un­um í Síðuskóla á Ak­ur­eyri síðastliðinn fimmtu­dag.

„Reyk­skynj­ar­ar bjarga manns­líf­um. Þeir eiga að vera í öll­um rým­um íbúðar­inn­ar. Þá þarf einnig að prófa reglu­lega, helst fjór­um sinn­um á ári, og skipta þarf ár­lega um raf­hlöðu í flest­um gerðum reyk­skynj­ara,“ seg­ir hann og bend­ir á að slökkvi­tæki og eld­varna­teppi séu ekki síður nauðsyn­leg­ur ör­ygg­is­búnaður og ætti að vera sýni­leg­ur á hverju heim­ili.

Lands­sam­band slökkviliðs- og sjúkra­flutn­inga­manna hef­ur staðið fyr­ir Eld­varna­átak­inu í um 30 ár. Ljós­mynd/​LSOS

Góð reynsla af Eld­varna­átak­inu

Mar­on seg­ir ánægju­legt hversu áhuga­söm börn eru um eld­varn­ir því það sé nauðsyn­legt að leggja grunn að því að kenna börn­um að bregðast rétt við. Hann seg­ir ríka áherslu lagða á að börn­in þekki neyðar­núm­erið 112 og geti hringt eft­ir aðstoð ef slík­ar aðstæður kunni að koma upp í framtíðinni.

„Við höf­um góða reynslu af því að fræðslan til barn­anna skili sér í aukn­um eld­vörn­um heima fyr­ir. Þau tala við for­eldra sína um eld­varn­ir á heim­il­inu, hvort þau séu með nægi­lega marga reyk­skynj­ara, slökkvi­tæki og eld­varna­teppi og hvort flótta­leiðir séu full­nægj­andi,“ seg­ir Mar­on en á meðal fræðslu­efn­is Eld­varna­átaks­ins er not­ast við hand­bók Eld­varna­banda­lags­ins og börn­un­um sýnd teikni­mynd­in um Loga, Glóð og Brennu-Varg sem slær alltaf í gegn og sýn­ir svo vel með ein­föld­um hætti hversu mik­il­vægt er að huga vel að eld­vörn­um heima fyr­ir og fara var­lega með op­inn eld.

Eld­varna­átakið hef­ur sýnt góða raun síðustu ára­tugi og börn­in eru mót­tæki­leg fyr­ir upp­lýs­ing­um um eigið ör­yggi og annarra. Ljós­mynd/​LSOS

Reyk­skynj­ar­ar í fyrsta sæti

„Okk­ur þykir fullt til­efni til að hvetja unga sem aldna að fara var­lega. Op­inn eld­ur eins og kerta­ljós get­ur verið hættu­leg­ur og því er gott að gæta ávallt vel að sér þegar kveikt er á kert­um og skilja þau aldrei eft­ir eft­ir­lits­laus eða hafa log­andi kerti ná­lægt gard­ín­um,“ seg­ir hann og bend­ir á að með auk­inni tækni fylgi áskor­an­ir í eld­vörn­um.

„Það er ekki síður mik­il­vægt að hlaða snjall­tæki og raf­hlaupa­hjól í ör­uggu um­hverfi. Það er al­gengt að elds­upp­tök teng­ist raf­magni og hleðslu. Matseld er einnig al­geng or­sök elds­voða svo það borg­ar sig að fara var­lega í eld­hús­inu og hafa eld­varna­teppi til taks.“

Mar­on ít­rek­ar mik­il­vægi reyk­skynj­ara og minn­ir á að dag­ur reyk­skynj­ar­ans sé hald­inn 1. des­em­ber á hverju ári. Þá seg­ir hann sér­stak­lega mik­il­vægt að eld­varn­ir séu hafðar of­ar­lega í huga þegar líða fer að jól­um og ára­mót­um.

„Þann dag vilj­um við hvetja fólk til að fara yfir ör­ygg­is­mál heim­il­is­ins. Kanna virkni reyk­skynj­ara, yf­ir­fara raf­hlöðurn­ar og rifja upp flótta­leiðir með heim­il­is­fólki. Reyk­skynj­ari er ekki að fara bjarga nein­um ef raf­hlaðan virk­ar ekki,“ seg­ir Mar­on og hvet­ur fólk til að gera dag­inn að skemmti­legri og gagn­legri sam­veru­stund með fjöl­skyld­unni.

Slökkviliðsmenn á Ak­ur­eyri æfðu viðbúnað í elds­voða og settu reykræst­ingu á svið. mbl.is/​Mar­grét Þóra

Aldrei of var­lega farið um hátíðirn­ar

„Nú þegar hátíðirn­ar ganga í garð er líka gott að heim­il­is­fólk rifji upp meðhöndl­un á flug­eld­um og hvernig maður á að haga sér í ná­lægð við flug­elda og brenn­ur,“ seg­ir hann og bend­ir á að það er aldrei of var­lega farið þegar flug­eld­ar eru ann­ars veg­ar.

„Miklu máli skipt­ir að fylgja öll­um leiðbein­ing­um og sýna aðgát þegar kem­ur að flug­eld­um, það á aldrei að fikta í þeim. Það er ekki verra að klæðast treg­brenn­an­leg­um efn­um eins og ullarfatnaði þegar átt er við flug­elda og passa að halda fjar­lægð þegar búið er að kveikja í þræðinum. Það sama má segja um brenn­ur, það er mik­il­vægt að halda góðri fjar­lægð frá brenn­um og passa upp á vindátt,“ seg­ir Mar­on og minn­ir á að börn jafnt sem full­orðnir eigi að nota hlífðargler­augu og hanska þegar kveikt er í flug­eld­um.

„Það get­ur allt gerst og það er betra að vera alltaf viðbú­inn því. Við leggj­um mikla áherslu á að minna fólk á eld­varn­ir og tryggja þar með ör­yggi þess. Ef upp kem­ur eld­ur á heim­il­um er mik­il­væg­ast af öllu að koma sér út og hringja í neyðar­núm­erið 112.“

Lands­sam­band Slökkviliðs- og sjúkra­flutn­inga­manna þakk­ar eft­ir­töld­um styrkt­araðilum Eld­varna­átaks­ins fyr­ir stuðning­inn: 112, HMS, SHS, Eign­ar­halds­fé­lagið Bruna­bóta­fé­lag Íslands, ásamt fleir­um.

Eld­varna­átak­inu var hrundið af stað í Síðuskóla á Ak­ur­eyri þar sem börn í 3. bekk fylgd­ust með af mikl­um áhuga og sýndu var­kárni í kring­um eld­inn. Ljós­mynd/​LSOS

Tengd­ar frétt­ir

Kynn­ing

„Við veit­um stuðning í hverju skrefi“

• Rut Kára hann­ar Ró, Kyrrð og Frið fyr­ir heim­ilið
• Ráðgjöf­in millj­óna króna virði
• Stór­glæsi­leg Viður­kenn­ing­ar­hátíð FKA fram und­an
• Hraðvirk verkj­astill­ing án verkjalyfja

» Fleiri tengd­ar frétt­ir

• Blogga um frétt