Fé­lag kvenna í at­vinnu­líf­inu, FKA hef­ur veitt viður­kenn­ing­ar frá ár­inu 1999 og eft­ir­vænt­ing­in mik­il þegar komið er að hátíðinni. Þrjár kon­ur sem verða heiðraðar eiga það sam­eig­in­legt að vera eða hafa verið kon­um í at­vinnu­líf­inu hvatn­ing og fyr­ir­mynd. Nöfn­in verða kunn­gerð á þess­ari stór­glæsi­legu Viður­kenn­ing­ar­hátíð FKA á Hót­el Reykja­vík Grand og í beinu streymi á mbl.is þann 24. janú­ar 2024. 

„Það er ár hvert sem ég læt dóm­nefnd fá lang­an lista af nöfn­um,“ seg­ir Andrea Ró­berts­dótt­ir fram­kvæmda­stjóri FKA og glott­ir.

„Svo er ég snögg að láta mig hverfa því þegar ég skauta yfir list­ann þá eru þarna nöfn sem öll koma til greina og veit hve mikið verk dóm­nefnd­in á fyr­ir hönd­um. Mögu­lega anda þau öll í kór í poka þegar þau renna yfir list­ann í fyrsta sinn en svo lenda þau mál­um á end­an­um og láti mig fá til baka eitt nafn í hverj­um flokki, sem hlýt­ur FKA þakk­arviður­kenn­ingu, FKA viður­kenn­ingu og FKA hvatn­ing­ar­viður­kenn­ingu.“ 

Andrea Ýr Jóns­dótt­ir, Bjarni Snæ­björns­son, Erik Figu­eras Torras, Guðmund­ur Fer­tram, Guðrún Pét­urs­dótt­ir, Mar­grét Njarðvík og Safa Jemai mynda dóm­nefnd að þessu sinni. Sam­sett mynd

Í dóm­nefnd fyr­ir Viður­kenn­ing­ar­hátíð FKA að þessu sinni eru í staf­rófs­röð:

Andrea Ýr Jóns­dótt­ir / Formaður dóm­nefnd­ar, Rit­ari FKA, Hjúkr­un­ar­fræðing­ur, eig­andi Heilsu­lausna & Scru­bs.is

Bjarni Snæ­björns­son / Leik­ari og leik­list­ar­kenn­ari

Erik Figu­eras Torras / For­stjóri Mílu

Guðmund­ur Fer­tram Sig­ur­jóns­son / For­stjóri og stofn­andi Kerec­is

Guðrún Pét­urs­dótt­ir / Pró­fess­or Emer­ita

Mar­grét Jóns­dótt­ir Njarðvík / Rektor Há­skól­ans á Bif­röst

Safa Jemai / Frum­kvöðull og fram­kvæmda­stjóri Ví­konn­ekt

Heim­sókn viður­kenn­ing­ar­hafa nokkru eft­ir viðburðinn er ávallt gef­andi gleðistund. Hér er Guðfinna Sessel­ía milli þeirra Mar­grét­ar Guðmunds­dótt­ur, stjórn­ar­konu og fyrr­ver­andi for­stjóra Icepharma sem var í dóm­nefnd í fyrra, og með þeim er Unn­ur Elva formaður FKA . Ljós­mynd/​Andrea Ró­berts­dótt­ir

„Dag­ur­inn snýst um kon­urn­ar en það eru því­lík­ar kanón­ur sem eru í dóm­nefnd ár hvert og fé­lagið þakk­lát fyr­ir það og fyr­ir þeirra tíma,“ seg­ir Andrea sem seg­ir að við skip­an dóm­nefnd­ar er leit­ast við að ein­stak­ling­ar hafi sem breiðast­an bak­grunn. 

„Að þau gefi af sinni dýr­mæt­ustu auðlynd, af tíma sín­um er dá­sam­legt. Svo veit ég að dóm­nefnd­ir hafa ánægju af því að kynn­ast inn­byrðis enda sam­an­safn af skemmti­leg­um og fjöl­breytt­um hópi ein­stak­linga sem koma víða að úr at­vinnu­líf­inu,“ seg­ir Andrea en þær Ásta Fjeld­sted, Dr. Guðfinna Sesselja Bjarna­dótt­ir og Grace Achieng voru heiðraðar á síðasta ári.

Það verður spenn­andi að sjá hverja við klöpp­um upp á Hót­el Reykja­vík Grand þann 24. janú­ar 2024. Frá vinstri: El­iza Reid for­setafrú og fé­lags­kona FKA með Chanel Björk Sturlu­dótt­ir meðstofn­anda „Henn­ar rödd“ og Loga Pedro Stef­áns­syni meðeig­anda 101 Producti­ons á Viður­kenn­ing­ar­hátíðinni í fyrra. Ljós­mynd/​Silla Páls

Op­inn viðburður sem verður streymt á mbl.is

Fram­lína ís­lensks viðskipta­lífs, nán­asta fólk viður­kenn­ing­ar­hafa og fé­lags­kon­ur FKA fagna sam­an á Hátíðinni en vana­lega gefst lít­ill tími fyr­ir viður­kenn­ing­ar­hafa að verja tíma sam­an á deg­in­um sjálf­um. Þær hitt­ast fyrr um dag­inn og þá er svo skemmti­legt að sjá viðbrögð þeirra þegar þær sjá hvora aðra.

Til að efla tengsl­in þá hef­ur skap­ast sú hefð að viður­kenn­ing­ar­haf­ar og stjórn hitt­ast hjá ein­um af viður­kenn­ing­ar­höf­um nokkru eft­ir hátíð þegar rykið hef­ur sest. Það er nefni­lega mikið um að vera í kring­um Hátíðina til dæm­is að búa til mynd­bönd og skipu­leggja viðburðinn og svo tek­ur við sprett­ur hjá viður­kenn­ing­ar­höf­um í fjöl­miðlum.

Ásta S. Fjeld­sted, Dr. Guðfinna Sesselja Bjarna­dótt­ir og Grace Achieng voru heiðraðar á Viður­kenn­ing­ar­hátíð FKA árið 2023. Ljós­mynd/​Silla Páls

„Síðustu ár hef­ur sér­blað komið út að morgni dags sem Viður­kenn­inga­hátíðin er og FKA og Árvak­ur leiða sína hesta sam­an að þessu sinni. Það hef­ur verið ótrú­lega gam­an að finna áhug­ann á að gera flott sér­blað á þess­um degi þar sem kast­ar­an­um er beint að kon­um í at­vinnu­líf­inu. Ein­stakt tæki­færi fyr­ir fyr­ir­tæki og stofn­an­ir að beina kast­ar­an­um að kon­un­um sín­um, kon­um í at­vinnu­líf­inu og fjalla um það sem þær inna af hendi í at­vinnu­líf­inu í dag. Draga fram fjöl­breytt­ar fyr­ir­mynd­ir fyr­ir kom­andi kyn­slóðir til að miða sig við. Draga þær sér­stak­lega fram á degi sem við heiðrum kon­ur,“ seg­ir Andrea.

Stór­glæsi­leg Viður­kenn­ing­ar­hátíð FKA verður á Hót­el Reykja­vík Grand og sýnd í beinu streymi hér á mbl.is miðviku­dag­inn 24. janú­ar kl. 17:00. Ekki missa af því!

Smelltu hér til að skoða viðburðinn á Face­book.

Tengd­ar frétt­ir

Kynn­ing

„Við veit­um stuðning í hverju skrefi“

• Rut Kára hann­ar Ró, Kyrrð og Frið fyr­ir heim­ilið
• Ráðgjöf­in millj­óna króna virði
• Hraðvirk verkj­astill­ing án verkjalyfja
• Hepp­in sex ára stelpa keypti hundraðþúsund­asta ein­takið

» Fleiri tengd­ar frétt­ir

• Blogga um frétt