24 ára framkvæmdastjóri Heitirpottar.is

Ari Steinn Kristjáns­son er 24 ára fram­kvæmda­stjóri Heit­ir pott­ar ehf. bet­ur þekkt sem Heit­irpott­ar.is. Hann verður með opið í versl­un­inni um pásk­ana og hvet­ur alla þá sem hafa hug á því að gera garðinn sinn að heilsu­lind að koma og heim­sækja þá feðgana en Kristján Berg Ásgeirs­son ætl­ar að standa vakt­ina ásamt syni sín­um að Foss­hálsi 13. 

„Við erum með allra mesta úr­valið af heit­um pott­um og sán­um á land­inu í dag og mæli ég með því við alla að koma með fjöl­skyld­una um pásk­ana og skoða hvað er í boði hjá okk­ur til að hlúa að heils­unni í garðinum heima,“ seg­ir Ari Steinn Kristjáns­son fram­kvæmda­stjóri Heit­irpott­ar.is en þess má geta að þrátt fyr­ir ung­an ald­ur hef­ur hann haslað sér völl sem einn af áhuga­verðustu ungu leiðtog­um lands­ins.

„Heit­irpott­ar.is er fal­legt fjöl­skyldu­fyr­ir­tæki sem ég er stolt­ur af því vinn­an er áhuga­málið mitt: Að efla heilsu lands­manna og aðstoða fólk við að hægja á sér og gefa sér tíma fyr­ir sig og sína. Sýn­inga­sal­ur­inn okk­ar í Heitumpott­um.is er 1.100 fer­metr­ar að stærð og verða flest­ir mjög hissa á því að koma inn í versl­un­ina okk­ar í fyrsta skiptið. Ég hvet því alla að koma við hjá okk­ur á pásk­un­um og verða ekki af því tæki­færi að gera garðinn sinn að aðlaðandi viðverustað fyr­ir alla,“ seg­ir Ari Steinn.

Aðspurður um vin­sæl­ustu pott­ana seg­ir hann salt­vatns­pott­ana frá Arctic Spas engu líka. „Salt­vatns­pott­arn­ir eru okk­ar háþróuðustu raf­magn­spott­ar. Húðin verður eins og á unga­barni þegar þú not­ar SPA BOY salt­vatns­hreinsi­kerfið og get ég sagt að þess­ir pott­ar séu það besta sem völ er á fyr­ir húðheils­una þína. Það eina sem þú þarft að gera er að fylla pott­inn af köldu krana­vatni og svo set­urðu sér­staka salt­vatns­blöndu frá Arctic Spas í pott­inn.“

„Nær­andi dauðahafs-salt­bland­an í pott­in­um læt­ur húðina verða þannig að þú vilt ekk­ert annað og svo eru þetta einu pott­arn­ir á markaðnum sem hreinsa sig sjálf­virkt, það eina sem þú þarft að gera er að fylgj­ast með pott­in­um í sím­an­um þínum. En að sjálf­sögðu er sjón sögu rík­ari og hvet ég því alla til að koma um pásk­ana og skoða með eig­in aug­um en við feðgarn­ir verðum með opið alla daga, einnig á páska­sunnu­dag og tök­um fagn­andi á móti viðskipta­vin­um okk­ar,“ seg­ir hann.

Hef­ur verið í kring­um fjöl­skyldu­rekst­ur­inn frá sex ára aldri

Ari Steinn seg­ir ótrú­lega spenn­andi að starfa við hlið föður síns í fjöl­skyldu­fyr­ir­tæk­inu en faðir hans, Kristján Berg, er bet­ur þekkt­ur sem Fiskikóng­ur­inn. „Pabbi er aldrei langt und­an en hef­ur svo sann­ar­lega treyst mér fyr­ir því að taka við Heit­irpott­ar.is þrátt fyr­ir þá staðreynd að ég sé 24 ára að aldri. Fiskikóng­ur­inn og Heit­ir pott­ar ehf. eru fé­lög í eigu fjöl­skyld­unn­ar og móðir mín, Sól­veig Lilja Guðmunds­dótt­ir, sér svo um bók­haldið í báðum fé­lög­um. Svo það má með sanni segja að við séum sam­rýmd fjöl­skylda.

Ég hef verið í kring­um rekst­ur fjöl­skyld­unn­ar frá sex ára aldri og það hef­ur verið talað um viðskipti yfir kvöld­matn­um frá því ég man eft­ir mér,“ seg­ir Ari Steinn.

Heit­irpott­ar.is munu halda upp á tutt­ugu ára af­mæli sitt á næsta ári og er fyr­ir­tækið mun stærra en marg­ir átta sig á, að sögn Ara Steins en sag­an á bakvið fyr­ir­tækið er skemmti­leg. „Fyr­ir­tækið byrjaði í Dan­mörku þegar pabbi var að leita að flott­um heit­um potti fyr­ir fjöl­skyld­una. Þá rakst hann á vörumerkið Arctic Spas sem hann fann út að væri besta potta­merkið í brans­an­um.

Það sem byrjaði á því að hann ætlaði að kaupa sér pott endaði með því að hann fór að selja potta sjálf­ur. Hann komst að því að þess­ir pott­ar end­ast bet­ur en aðrir pott­ar. Þeir gefa frá­bæra potta­upp­lif­un, eru góðir í að halda hita og eru með frá­bært hreinsi­kerfi. Við mæl­um ekki með neinu sem við ekki not­um sjálf­ir og er garður­inn okk­ar orðinn al­gjör heilsu­lind og ómiss­andi þátt­ur í því að við get­um unnið eins mikið og við ger­um, full­ir af orku og vellíðan,“ seg­ir Ari Steinn og bæt­ir við að fjöl­skyld­an sé einnig með kald­an pott í garðinum og sánu­hús sem ber nafnið Alþingi.

„Garður­inn á að vera eins og allt annað í lífi okk­ar, full­ur af fjöl­breyti­leika. Það er með þetta eins og allt annað þegar kem­ur að heils­unni, við þurf­um að gera alls kon­ar og vera stöðugt að finna leiðir til að rækta okk­ur og fara í nú­vit­und úti í nátt­úr­unni.  Ég var í íþrótt­um hér áður og mér hef­ur alltaf fund­ist gott að fara í pott­inn, sánu, infrar­auða-gufu og kald­an pott. Við erum með fjöl­breytt úr­val af öll­um þess­um vör­um í versl­un­inni okk­ar.“

Ari Steinn seg­ir þá feðga hörkudug­lega til vinnu. „Við vinn­um alla daga vik­unn­ar og það verður opið í Heit­irpott­ar.is alla daga til 1. ág­úst næst­kom­andi. Marg­ir spyrja okk­ur hvernig við höf­um ork­una í þetta. Það er frek­ar aug­ljóst. Við erum að selja potta og sánu sem eru heilsu­efl­andi vör­ur og erum dug­leg­ir að nota þess­ar vör­ur sjálf­ir, bæði á vinnu­tíma og eft­ir vinnu en þess má geta að við vinn­um allt frá 12 til 14 tíma á dag.“

Feðgarn­ir með sama húm­or­inn

Ari Steinn seg­ir hvern dag í vinn­unni æv­in­týri lík­ast því starfið feli í sér að vera til staðar fyr­ir viðskipta­vin­ina sem eru þeir skemmti­leg­ustu á land­inu. „Um 90% af starf­inu okk­ar er þjón­usta við viðskipta­vini okk­ar. Að gefa upp­lýs­ing­ar og aðstoða fólk í að finna þær vör­ur sem henta best fyr­ir fjöl­skyld­una í garðinn. Svo þarf aðstoð við upp­setn­ingu á vör­un­um, að finna réttu hreinsi­efn­in, hvernig er best að þrífa pott­ana og sánu­klef­ana og viðhalda þeim sem best.

Svo skemm­ir ekki að við feðgarn­ir erum með sama húm­or­inn og vilj­um gera hlut­ina al­menni­lega. Sem dæmi, þegar við fór­um að bjóða upp á sánu þá var ég bú­inn að ýta á pabba lengi áður en hann gaf eft­ir og fór þá að sjálf­sögðu í það að panta tugi af gám­um með sán­um. Enda ger­ir hann ekk­ert nema að vera best­ur í sín­um geira. Við erum ekki mikið fyr­ir að feta milli­veg­inn. Að hika er sama og að tapa – annaðhvort slepp­um við því eða ger­um hlut­ina alla leið eða 120%. Svo vilj­um við vera með ánægðustu viðskipta­vin­ina,“ seg­ir Ari Steinn og bros­ir.

Heit­ustu umræðurn­ar fara fram á Alþingi

Það er mik­il saga á bak við sánu­hús­in í Heit­irpott­ar.is. „Sánu­hús­in sem við bjóðum upp á eru ein­stök. Við erum með Alþingi heima hjá okk­ur og get ég hik­laust mælt með því. Það er vin­sæl­asta sán­an okk­ar.“

Hvaðan kem­ur hug­mynd­in að nafn­gift­inni?

„Þegar við vor­um að panta inn sánu­hús­in þá voru kosn­ing­ar í gangi og þá ákváðum við þetta þema á sánu­hús­in. Við tók­um bara rík­is­stjórn­ina á þetta og öll sánu-lín­an heit­ir: Alþingi, For­seti, Þingsal­ur, Dómsal­ur, Bessastaðir og Þing­vell­ir svo dæmi séu tek­in. Fyrsta sánu­húsið sem við skírðum var Alþingi og grínuðumst við lengi með að heit­ustu umræðurn­ar færu fram á Alþingi!“

„Það hef­ur mikið verið hlegið að þessu. En við lét­um ekki þar við sitja held­ur ákváðum að bjóða upp á sánu-húf­ur sem við lét­um gera með nöfn­um allra stjórn­mála­flokk­anna. Þannig að áður en þú ferð inn í Alþingi get­urðu valið þér húfu sem heit­ir Sjálf­stæðis­flokk­ur­inn eða Sam­fylk­ing­in, svo ferðu bara inn á Alþingi með húf­una á þér og tal­ar eins og flokk­ur­inn,“ seg­ir Ari Steinn og hlær dátt.

Hvaða sánu-húf­ur selj­ast best?

„Ice Hot 1 og I Love Simmi D, eru lang­sölu­hæstu húf­urn­ar okk­ar. Ann­ars eru þær all­ar vin­sæl­ar og lands­menn virðast kunna að meta þetta uppá­tæki okk­ar. Við get­um verið smá trúðar og okk­ur er eig­in­lega al­veg sama hvað öðrum finnst. Við erum með okk­ar eig­in húm­or sem sum­ir kunna að meta og aðrir ekki. Það er bara þannig. Flest­ir fatta ekki húm­or­inn okk­ar en það er allt í lagi, við erum bara hlægj­andi hérna í vinn­unni og þar sem þetta er fjöl­skyldu­rekst­ur þá erum við hérna stund­um allt að sex­tán tím­um á dag og þá er eins gott að hafa gam­an í vinn­unni. En þó að við kunn­um að hafa gam­an í vinn­unni erum við mjög fag­leg þegar kem­ur að þjón­ust­unni og veit­um góðar upp­lýs­ing­ar og fyrsta flokks þjón­ustu.“

Kjörið tæki­færi til að ná fjöl­skyld­unni sam­an og hafa gam­an

Hug­mynd­in að baki því að hafa opið á pásk­un­um í Heit­irpott­ar.is er sú að veita þeim sem kom­ast ekki frá vinnu tæki­færi til að skoða vöru­úr­valið. „Barna­fólk á einnig oft erfitt með að kom­ast frá nema á ró­leg­um dög­um, eins og á laug­ar­dög­um og sunnu­dög­um og jafn­vel á rauðum dög­um. Þess­ir ein­stak­ling­ar eru mjög ánægðir með að geta komið til okk­ar, skoðað vör­urn­ar i ró­leg­heit­un­um, fengið sér kaffi­bolla og sjá hvað get­ur hentað fyr­ir þau í garðinum. 

Að mínu mati ætti maður að reyna eft­ir fremsta megni að leyfa fjöl­skyld­unni að taka þátt í val­inu á potti og sán­um. Okk­ur finnst mjög gam­an að leyfa fólki að máta sam­an og finna vör­ur sem henta fjöl­skyld­unni best. Að koma til okk­ar um pásk­ana í Heit­irpott­ar.is er kjörið tæki­færi til að ná fjöl­skyld­unni sam­an og hitta okk­ur feðgana og bara hafa gam­an,“ seg­ir Ari Steinn.

Fara um landið á hús­bíl að selja heita potta

Ein skemmti­leg­asta minn­ing Ara Steins úr æsku var að ferðast með föður sín­um um koppa og grundu að selja heita potta. „Við eig­um risa­stór­an fer­kantaðan hús­bíl sem er merkt­ur Heit­irpott­ar.is. Aft­an á hon­um erum við með kerru sem koma má sex til sjö pott­um á.“

„Þess­ar ferðir eru pabbi í hnot­skurn. Hann er alltaf að skora á sjálf­an sig sem er að sjálf­sögðu alltaf besta áskor­un­in. Það hef­ur verið hvetj­andi að taka þátt í þessu með hon­um í gegn­um árin. Hann trú­ir á sig og vör­urn­ar okk­ar, er skemmti­leg­ur og fólk treyst­ir hon­um og svo bara keyr­ir hann um landið með fullt af pott­um sem hann veit að munu selj­ast,“ seg­ir Ari Steinn og bæt­ir við að ekki hafi all­ar þess­ar ferðir komið út í hagnaði.

„Það er samt aldrei hægt að tapa á því að fara um landið okk­ar og heim­sækja fólk. Að mæta í ólík bæj­ar­fé­lög og sýna fólki að okk­ur er ekki sama er það sem við vilj­um vera að gera í fyr­ir­tæk­inu. Okk­ur þykir vænt um alla viðskipta­vini okk­ar og erum að bjóða upp á þjón­ustu okk­ar víða um landið. Við stefn­um á það að fara til Ak­ur­eyr­ar með potta í maí og hvet ég alla áhuga­sama til að líka við síðuna Heit­irpott­ar.is á Face­book og fylgj­ast með okk­ur þar,“ seg­ir Ari Steinn Kristjáns­son fram­kvæmda­stjóri Heit­irpott­ar.is að lok­um.