Flaug beinustu leið inn í sögubækurnar

Loftfar Nasa hefur í dag komist í sögubækurnar með því lifa af flug inn í fljúga inn í ytri lofthjúp sólarinnar. Ekkert loftfar hefur flogið nær sólinni.

Vísindamenn Geimferðastofnunar Bandaríkjanna (NASA) náðu aftur sambandi við Parker Solar Probe um kl. 5 í morgun en búið var að rjúfa sam­band við farið á aðfangadag þegar lagði leið sína inn í lofthjúpinn.

Nasa sagði að loftfarið væri „öruggt“ og að engar óvenjulegar villur hafi komið upp en þá hafði það flogið um 6,1 milljón kílómetrum frá yfirborði sólarinnar.

Frétt af mbl.is

Aldrei verið flogið nær sólu

Vegalengdin hljómar kannski ekki sér­stak­lega stutt frá sólu en við erum að sögn Dr. Nicola Fox, vísinda­manns hjá NASA, tæp­um 150 millj­ón kíló­metrum frá eldhnettinum.

Von­ir voru bundn­ar við að flugið veiti betri inn­sýn í virkni sól­ar­inn­ar. Farið þurfti því að þola 1.400 gráðu hita og gíf­ur­lega geisl­un en 11,5 sentí­metra þykk­ur kol­efna­skjöld­ur ver farið.

Far­inu var fyrst skotið á loft 2018 og tók stefnu á miðju sól­kerf­is­ins. Það hef­ur flogið tutt­ugu og einu sinni fram hjá sól­inni og sí­fellt fært sig nær henni. Aldrei áður hefur tek­ist að fljúga inn í ytri loft­hjúpinn.

• Blogga um frétt