Fyrsti laxinn tók á Green Butt

Fyrsti laxinn sem veiddist í Elliðaánum þetta árið var 60 sentimetra lúsug hrygna sem tók á fluguna Green Butt.

Hefð hefur skapast fyrir því að Reykvíkingur ársins renni fyrir fyrsta fiski sumarsins í Elliðaánum og í ár var það Marta Wieczorek.

Frétt af mbl.is

Marta er Reykvíkingur ársins

Eftir athöfn við veiðihús Stangveiðifélags Reykjavíkur, þar sem forseti borgarstjórnar, Þórdís Lóa Þórhallsdóttir, tilkynnti hver Reykvíkingur ársins væri, var gengið að veiðistaðnum Breiðunni.

Marta landaði fyrsta laxinum í Elliðaám í morgun. mbl.is/Árni Sæberg

Tókst ekki að sleppa 

Veður var með besta móti, þurrt, stillt og skýjað, en rignt hafði um nóttina. Það var líf í hylnum og nokkrir laxar sýndu sig í morgunsárið.

Eftir um stundarfjórðung tók fyrsti fiskurinn á fluguna Green Butt sem dregur nafnið af grænu skotti. Mörtu tókst að landa honum fimm mínútum síðar en um var að ræða 60 sentimetra lúsuga hrygnu. 

Laxinn hefur verið uppgefinn eftir átökin því almennt er öllum löxum sleppt aftur í Elliðaárnar en ekki tókst að fá þessa hrygnu til að taka við sér þrátt fyrir ítrekaðar tilraunir. Því var hún blóðguð og Marta fékk að hafa hana með heim.

• Blogga um frétt

Seinustu hundraðkallar sumarsins