Regnbogasilungar veiðast í Elliðaánum

Síðustu daga hafa tveir regnbogasilungar veiðst í Elliðaánum. Slíkir fiskar eru upprunnir úr eldi en ekki er vitað hvaðan þeir koma. Bjarki Bóasson og Jón Ingi Pétursson veiddu regnbogasilung í Elliðaánum og var hann „bankaður, blóðgaður og pokaður“ að sögn Bjarka en, félagi hans Jón Ingi veiddi regnbogann á litla hitch túbu.

Sporðaköst báru þetta undir Ásgeir Heiðar sem þekkir árnar manna best en hann sagðist ekki þekkja málið en nefndi þó að slatti af 20 til 30 sentímetra silungum væri í ósnum.

Þessir fiskar verða sendir Hafrannsóknastofnun til rannsóknar en nokkuð hefur borið á regnbogasilungi í vor. Þrír slíkir veiddust i Vatnsdalsá í maí og í það minnsta tveir hafa veiðst í Minnivallalæk, en væntanlega eru þeir ekki að koma úr sjó, frekar úr eldi eða verið sleppt.

Laxveiðin hefur farið ágætlega af stað í Elliðaánum og er búið að færa til bókar 31 lax. Bjarki Bóasson hampar hér fallegu eintaki sem var sleppt eftir myndatöku. Ljósmynd/Jón Ingi Pétursson

Laxveiðin í Elliðaánum fer ágætlega af stað og nú síðdegis var búið að bóka þar 31 lax. Sjö veiddust á morgunvaktinni í morgun. Full ástæða er til bjartsýni með laxveiðina þar í sumar.

• Blogga um frétt

Seinustu hundraðkallar sumarsins