Uppi voru vangaveltur um helgina hvort að 102 sentímetra hængurinn sem Ármann Andri Einarsson veiddi á föstudag, væri stærsti lax sem veiðst hefur í Haukadalsá. Svarið við þeirri spurningu er einfalt. Nei, hann er ekki sá stærsti. Vissulega einn af þeim allra stærstu sem heimildir finnast um en ekki sá stærsti.

Frétt af mbl.is

Sá stærsti á Vesturlandi í sumar

Sumarið 2014 setti Ásgeir Magnús Ólafsson í stórlax í veiðistaðnum Lalla í Haukadalsá. Það reyndist risavaxinn hængur og tók míkró hitch–túbu. Þessum fiski var landað og mældist hann 106 sentímetrar. Í frétt mbl.is frá þeim tíma segir að leigutakar Haukadalsár telji þennan fisk þann stærsta sem veiðst hefur í ánni í mörg herrans ár.

Frétt af mbl.is

Stórlaxafrétt úr Haukadalsá

Ásgeir sagði í samtali við Sporðaköst að umræddur lax sem hann veiddi 2014 hafi þá verið sá stærsti úr Haukadalsá sem hann hafði séð skráðan. Ásgeir var í leiðsögn við ána í mörg ár með föðurbróður sínum Torfa Ásgeirssyni sem var staðarhaldari við ána í góða tvo áratugi

Sumarið eftir, veiddi Teitur Stefánsson 102 sentímetra lax í Berghyl og var krýndur Stórlax ársins hjá Stangaveiðifélagi Reykjavíkur um veturinn. Teitur fékk stórlaxinn sinn 22. ágúst, sumarið 2015. Ármann Andri veiddi 102 sentímetra laxinn 23. ágúst. Síðari hluti ágúst er greinilega tíminn í Haukadalsá til að reyna að setja í þá allra stærstu.

Sigurður Hauksson sendi okkur þessa mynd. Hér má sjá afa hans, Sigurð Helgason, sem nú er látinn með góða veiði úr Haukadalsá. Hann heldur á 21 punda hrygnu sem er engin smásmíði. Góðan dagsafla má sjá hægra megin á myndinni. Ljósmynd/Sigurður Hauksson

En til eru fleiri frásagnir af stórlaxaveiði í Haukadalsá. Sigurður Hauksson sendi Sporðaköstum mynd sem tekin var af afa hans Sigurði Helgasyni, eftir góða veiði í Haukadalsá. Þar heldur Sigurður á 21 punda hrygnu. Hægra megin á myndinni er svo góður dagsafli. Myndin er svart/hvít og tekin löngu áður en veiða og sleppa ruddi sér til rúms.

Tengdar fréttir

Hundraðkallar

Einn sá stærsti sem veiðst hefur í sumar

• Nú raðast þeir inn stórlaxarnir
• „Það er komin náttúra í kallana“
• Sá stærsti á Vesturlandi í sumar
• Barðist við laxinn í Svartá í 90 mínútur

» Fleiri tengdar fréttir

• Blogga um frétt

Seinustu hundraðkallar sumarsins