Loksins betri skilyrði í kortunum

Hefðbundin haustvika er að baki í minni laxveiðiánum. Skilyrði gerðu mönnum erfitt fyrir og mikil úrkoma í bland við hvassviðri höfðu sitt að segja. Áhugavert verður að sjá hvort sú vika sem nú stendur yfir skilar betri veiði, en veðurspáin er betri fyrir helgina.

September hefur reynt á þolrif veiðimanna og margir orðið fyrir vonbrigðum þegar loksins kom að hausttúrnum og þá fór allt í kakó eða gerði þannig rok að gamanið fauk út í veður og vind.

Margar af ánum á listanum hér að neðan skiluðu svipaðri veiði og í fyrra, þegar horft er til vikunnar þrátt fyrir að í mörgum þeirra sé meira f fiski en í fyrra. Listinn breytist lítið milli vikna og eru spútnik árnar í efstu sætunum. Andakílsá gaf 29 laxa í þessari viku en besta vikuveiðin var í Straumfjarðará sem skilaði fjörutíu löxum. Í mörgum þessara áa er hafin loka vika veiðitímans.

Veiðitöl­urn­ar hér að neðan miðast við veiði að lokn­um veiðidegi 18. september. Dálk­ur tvö er veiði í þess­um ám á sama tíma í fyrra. Raun­ar mun­ar tveim­ur dög­um því angling.is birt­ir alltaf töl­ur á fimmtu­dög­um og það bar upp á 20. september í fyrra. Þriðji dálk­ur­inn er svo fjöldi veiddra laxa vik­una 11. til 18. september. Síðasti dálkurinn segir til um prósentubreytingu milli ára, þar sem sú tala er tiltæk.

Vatna­svæði         Veidd­ir lax­ar   2023       Vikan    Breyting %

Anda­kílsá                   467         158          29          --

Hrúta­fjarðará             439          167          19       168%

Sval­b­arðsá                411          324           9          --

Flókadalsá                 405          248          19           --

Hauka­dalsá                400         342          17         17% 

Skjálf­andafljót            382          --             6          --

Sandá í Þistil­f­irði        371          325          8         16%

Mýr­arkvísl                  371          230         24           --

Straum­fjarðará           355          342         40           5%

Hítará                        354          336          15           --

Blanda                       327          359          24          -9%

Miðfjarðará í Bakkaf.   305         191           6          60% 

Hólsá Aust­ur­bakki       295          422           2          --

Hafralónsá                  287          333          10       -14%

Leir­vogsá                   252           298           5       -16%

Úlfarsá (Korpa)           245           171          10        49%

Brenn­an                     227          122           1         86%

Miðá í Döl­um              196           127          11         54%

Straum­ar                   171            92            0         86%

Fnjóská                      163           319           5         --

Gljúf­urá í Borg­arf.       160            164          22         --

Flekku­dalsá                148             --            5          --

Fljótaá                       112             102         23       -10%

Laug­ar­dalsá                111             --            1         --

Affall                          100            317          4        --

Svar­tá í Húna­vatnss.    87              98            8       -10%

Skuggi                        81             77            0         --

Sunnudalsá*               72              73            3         -1%

Þverá í Fljótshlíð*        58              59             7          --

Þar með er tæmd­ur list­inn sem angling.is birti síðastliðinn fimmtudag. Mis­jafnt er hvað er til af gögn­um yfir þær ár sem eru neðarlega á list­an­um. 

*Tölur frá 11. september. Lokatölur eru feitletraðar.

• Blogga um frétt

Seinustu hundraðkallar sumarsins