Kvikmyndin Síðasta veiðiferðin vakti þjóðarathygli og fékk frábærar viðtökur. Framhaldsmyndin Allra síðasta veiðiferðin fylgdi í kjölfarið og loforð var gefið um fleiri myndir. Langsíðasta veiðiferðin er á teikniborðinu og söguþráðurinn liggur fyrir að stærstum hluta. „Það er sviplegt dauðsfall sem verður til þess að það er ákveðið að fara í veiðiferð til að minnast fallins félaga,“ upplýsir Þorkell Harðarson, leikstjóri, handritshöfundur og framleiðandi. Félagi hans og samstarfsmaður, Örn Marinó Arnarson segir þá vera að skrifa á fullu. „Við erum að búa til eitthvað epískt,“ hlær hann.

Fyrir aðdáendur gamanmyndanna um vinahópinn sem fer í mislukkaðar veiðiferðir er gott að vita að framhald verður á. Hvenær það hins vegar getur orðið að veruleika er algerlega óvíst. Líkast til verður það ekki fyrr en árið 2027 að ný mynd um þetta efni rati í kvikmyndahús. Hæpið er að tökur geti farið fram fyrr en sumarið 2026 og þá yrði myndin ekki tilbúin fyrr en fyrri hluta árs 2027.

Við tökur á Allra síðustu veiðiferðinni. Hér eru Hilmir Snær Guðnason, Þröstur Leó Gunnarsson og Halldór Gylfason í hlutverkum sínum. Þeirra bíða ný verkefni. Ljósmynd/Ólafur Jónasson

Þorkell segir reyndar að ef þeir fái fjármagn skyndilega þá gætu þeir mögulega framleitt myndina í sumar og frumsýnt í byrjun mars á næsta ári. Það er ekki líklegt.

Þeir Markel bræður voru gestir Dagmála Morgunblaðsins í gær, þar sem þeir ræddu meðal annars framhaldsmyndir Síðustu veiðiferðarinnar. Þeir segjast eiga eftir að gera nokkrar myndir og velta einnig upp þeim möguleika að gera hreinlega sjónvarpsseríu um ævintýri þeirra félaga.

Með fréttinni fylgir brot úr Dagmálsþættinum þar sem þeir Örn Marinó og Þorkell ræða um framhald á ævintýrum á veiðislóð. Til að hlusta á þáttinn í heild sinni geta áskrifendur klikkað á linkinn hér að neðan.

„Fjöreggið er stropað“

Tengdar fréttir

Dagmál

Flestir gefast upp eftir fyrstu tvær vikurnar

• Bíógestum fækkaði verulega í fyrra
• Fáir í heimsklassa í íslenska landsliðinu?
• „Maður bara tjúllast af pirringi“
• Persónulega lífið í molum vegna drykkju og fíkniefnaneyslu

» Fleiri tengdar fréttir

• Blogga um frétt

Seinustu hundraðkallar sumarsins