Lýsa áhyggjum af ástandi hreindýrastofnsins

Skotveiðifélag Íslands, SKOTVÍS, lýsir yfir áhyggjum sínum af ástandi hreindýrastofnsins og minnkandi veiði undanfarin ár. 

Þetta kemur fram í tilkynningu frá SKOTVÍS en þar segir að mikilvægt sé að komast að því hvað veldur og grípa til viðeigandi ráðstafana svo tryggja megi áfram sjálfbærar veiðar og framtíð sterks hreindýrastofns.

SKOTVÍS tekur jafnframt undir með nýjum umhverfisráðherra að ótækt sé að ríkið greiði með hreindýraveiði á Íslandi.

Frétt af mbl.is

Stofn hreindýra var verulega ofmetinn

Frétt af mbl.is

Veiðileyfi fyrir hreindýr hækkar um 20%

Segjast hafa talað fyrir daufum eyrum

„SKOTVÍS hefur talað fyrir daufum eyrum árum saman um að félagið fái fulltrúa í hreindýraráði og þar með ekki getað komið sjónarmiðum veiðimanna á framfæri, m.a. þegar kemur að verðlagningu veiðileyfa eða umræðu um veiðistofn og kvóta,“ segir í tilkynningunni.

SKOTVÍS segir að í ljósi þess að ríkisstjórnin óskaði í upphafi árs eftir sparnaðartillögum frá almenningi þá sé við hæfi að minna á eldri tillögur SKOTVÍS til Umhverfis og auðlindaráðuneytisins til sparnaðar vegna umsýslu með hreindýraveiðum.

„SKOTVÍS er meira en tilbúið til að semja við ríkið um að félagið taki að sér alla umsjón hreindýraveiða sem felur í sér umtalsverðan sparnað fyrir ríkið. Í Svíþjóð er samskonar fyrirkomulag við líði, þar sem Sænska skotveiðisambandið, Svensk Jagerforbund, sinnir margvíslegri umsýslu fyrir sænska ríkið varðandi veiði og veiðileyfi,“ segir enn fremur í tilkynningunni.

• Blogga um frétt

Seinustu hundraðkallar sumarsins