Fegursta kennslustofa í heimi

Er hægt að hugsa sér betri kennslu­stofu fyr­ir nám­skeið í flugu­veiði, en Bugðu í Kjós? Senni­lega ekki. Átján gráðu hiti, glamp­andi sól, fal­leg­ir for­vitn­ir ís­lensk­ir hest­ar og tökuglaðir urriðar. Þetta var um­hverfið sem blasti við þátt­tak­end­um á nám­skeiðinu sem Simon Gawesworth og Kat­ka Svagrova stóðu fyr­ir í morg­un og hafa gert und­an­farna daga.

Helga Gísla og Kat­ka með enn einn urriða úr Bugðu. Á nám­skeiðinu síðustu daga er búið að landa á þriðja hundrað urriðum. Ljós­mynd/​Sporðaköst

Sporðaköst tóku hús hópn­um í morg­un. Áður en hægt var að bjóða góðan dag­inn heyrðist kallað, „Við erum all­ar bún­ar að fá fisk,“ risa­stórt bros fylgdi svo þess­ari til­kynn­ingu. Hóp­ur­inn hafði skipt liði en dag­ur­inn í dag var ein­göngu fyr­ir kon­ur. Hann seld­ist upp á auga­bragði. Simon var með þrjá nem­end­ur og Kat­ka þrjá. Þegar fjöld­inn er ekki meiri fá all­ir af­bragðs til­sögn.

Þóra Sigrún Hjalta­dótt­ir með Bugðu urriða. Kat­ka hljóp á milli og gaf góð ráð. Svo þegar hún sá að fisk­ur var á kinkaði hún kolli og brosti. Ljós­mynd/​Sporðaköst

„Það er búin að vera svo mik­il veiði,“ hlær Kat­ka um leið og hún bít­ur í epli. „Fólk á nám­skeiðinu hjá okk­ur er búið að fá yfir tvö hundruð fiska. Það er svo gam­an og fólk er fljót­ara að ná tök­um á því sem við erum að kenna þegar það upp­lif­ir hlut­ina að virka.“

Það er ein­stakt að fá svona kenn­ara til lands­ins eins og þau Kat­ka og Simon eru. Kat­ka er marg­fald­ur heims­meist­ari í flugu­veiði kvenna og Simon eitt þekkt­asta nafn í brans­an­um í Banda­ríkj­un­um og þótt víðar væri leitað.

Anna Ingvars­dótt­ir land­ar ein­um. Hún var búin að fá tvo þarna með stuttu milli­bili. Geggjað sagði hún. Ljós­mynd/​Sporðaköst

Tekið var til­lit til ólíkr­ar getu eða öllu held­ur reynslu þátt­tak­enda. Farið var yfir alla meg­in þætti. Köst, tauma og veiðiaðferðir. Púp­ur í and­streym­isveiði og svo ekki síður þurrflugu­veiði. 

Hluti af hópn­um sem mætti í morg­un var að koma í annað skiptið. „Bæði er þetta svo mögnuð veiði að það eitt og sér er frá­bært og svo er svo mikið af ráðlegg­ing­um og ábend­ing­um að það er bara betra að fara tvisvar,“ sagði Helga Gísla­dótt­ir sem var að mæta annað árið í röð.

Ólöf Ósk fram­kvæm­ir ráðlegg­ing­ar frá Simon. All­ir voru að bæta við sig. Veðrið var upp á átján gráður og sól. Aðeins vind­ur. Ljós­mynd/​Sporðaköst

Nokkru neðar var Anna Ingvars­dótt­ir búin að setja í enn einn urriða. Hún landaði hon­um fag­mann­lega og leit upp og sagði. „Búin að fá tvo hérna. Geggjað.“

Já það var svo sann­ar­lega fjör í fal­leg­ustu kennslu­stofu lands­ins i morg­un. Þurfti eng­ar frí­mín­út­ur því nám­skeiðið allt var hrein­lega frí­mín­út­ur.

Kat­ka horf­ir stolt yfir hóp­inn og það gafst tími fyr­ir eitt epli. Ljós­mynd/​Sporðaköst

Þeir sem vilja nota tæki­færið og bergja af visku­brunni þeirra Simon og Kötku eiga enn séns. Þau mæta í Veiðihornið í Síðumúla síðdeg­is, eða klukk­an 18:30 og munu þar ræða veiði, búnað og tækni. Það er enn séns að kom­ast þar að fyr­ir áhuga­sama.

• Blogga um frétt

Sein­ustu hundraðkall­ar sum­ars­ins