Opnunardagur upp á tíu í Þveránni

Tíu lax­ar voru færðir til bók­ar í Þverá á opn­un­ar­degi í dag. Eins og við greind­um frá í dag skilaði fyrri vakt­in sex löx­um og sett var í fjóra til viðbót­ar. Eft­ir há­degi náðist einn lax í Brenn­unni sem er hluti af opn­un­ar­svæðinu. Glæsi­leg tveggja ára hrygna veidd­ist í Kirkju­streng. Var það mál manna sem að viður­eign­inni komu að fisk­ur­inn hefði verið þessi klass­íski stór­lax að vori. „Fisk­ar í heimsklassa,“ missti einn út úr sér. Hrygn­an var grá­lúsug og viðbúið er að lax sé far­inn að ganga í stækk­andi straum sem nær há­marki sínu á fimmt­dag.

Fisk­ar sem sáust Klapparfljóti voru að öll­um lík­ind­um komn­ir upp í Hólmatagl. Þar sást ekki fisk­ur í morg­un en í fyrsta kasti eft­ir há­degi nelgdi 85 sentí­metra hæng­ur flugu veiðimanns­ins.

Gunn­laug­ur Sæv­ar og hans fólk var áfram í stuði og þau fengu fisk­inn í Hólmatagl­inu. Gunn­laug­ur kastaði aft­ur á hyl­inn og fékk hann því­líka negl­ingu að augna­blik hvarflaði að hon­um að hann hefði hrokkið úr axl­arlið, slíkt var höggið. Fisk­ur­inn rauk niður hyl­inn af offorsi. Lauk þeirra viðskipt­um þannig að skyndi­lega var fisk­ur­inn far­inn en öng­ull­inn var upp­rétt­ur og ekki lík­leg­ur til frek­ari af­reka. Gunn­laug­ur sem hafði fengið 90 sentí­metra hæng í morg­un taldi þenn­an fisk í næsta flokki fyr­ir ofan.

Fjórði lax­inn eft­ir há­degi var smá­lax og gleðjast borg­fisk­ir bænd­ur jafn­an ef smá­lax geng­ur snemma og er það talið vita á gott smá­laxa­ár. Það er þó al­ger­lega óskrifað blað. Tveggja ára laxa byrj­ar vel en flest­ir okk­ar lærðustu og reynd­ustu manna spá góðri gengd stór­laxa í sum­ar.

Ingólf­ur Ásgeirs­son leigutaki Þver­ár var hinn ánægðasti með opn­un­ar­dag­inn. „Í mín­um huga er þetta upp á tíu. Ekki bara tíu laxa held­ur vel heppnaður dag­ur sem stóð und­ir þeim vænt­ing­um sem við vor­um með síðustu daga,“ sagði hann.

• Blogga um frétt

Sein­ustu hundraðkall­ar sum­ars­ins