BRIDS - Guðmundur Páll Arnarson | dagbok@mbl.is

Sveitakeppni kvenna.

Íslandsmót kvenna í sveitakeppni fór fram um síðustu helgi og sigraði sveitin ELVA, en nafnið er myndað af upphafsstöfum liðsmanna, sem eru: Esther Jakobsdóttir, Ljósbrá Baldursdóttir, Valgerður Kristjónsdóttir og Anna Þóra Jónsdóttir.

Í spilinu að ofan reyndu mörg NS-pörin fjóra spaða, sem engin leið er að vinna með réttri vörn. Þrjú grönd er á hinn bóginn spennandi samningur, sér í lagi eftir opnun austurs á veikum tveimur í hjarta. Þetta var ein sagnröðin:

* Multi - sexlitur í hálit og veikt.

Multi-opnun austurs gerði það að verkum að NS fundu ekki samleguna í spaða. Sem var í raun mikil blessun.

Vestur kom út með einspilið í hjarta og nú þarf sagnhafi að vanda sig. Hvernig myndi lesandinn spila?

Það er of hættulegt að dúkka hjartað, því austur mun vafalítið skipta yfir í tígul og þá hrynur spilið. Eftir sagnir liggur hjartað væntanlega 6-1, svo sagnhafi ætti að stinga upp ás og spila spaða á níuna heima.

Vestur fær slaginn og getur ekkert af sér gert, en segjum að hann spili spaða um hæl. Sagnhafi sækir þá laufásinn og sér þar leguna. En það er ekkert til að hafa áhyggjur af, því vestur mun fyrr eða síðar lenda inni á fimmta laufinu þar sem hann á ekkert eftir nema tígul til að spila upp í ÁD.