Gestur Guðfinnsson las prófarkir á Alþýðublaðinu og var skáldmæltur. Hann var Ferðafélagsmaður og og orti gjarnan um náttúruna. Esjan fékk sinn skammt í sígildum vísum:
Mikið lifandis ósköp er Esj an ljót
að aftan jafnt sem að
framan;
að skakklappast þar um skriður og grjót
er skelfing leiðinlegt gaman.
Um Esjuna margt hef ég ófagurt spurt
enda er hún lýtum hlaðin.
Það ætti að flytja fjallið burt
og fá sér annað í staðinn.
Einar Karl Sigvaldason, bóndi á Fljótsbakka, yrkir einnig náttúrustemningu:
Hér við eyðihraunið grátt
hugann seiða myndir.
Spegla heiðið hreint og blátt
Herðubreiðarlindir.
Einar Karl orti á ferð um Skagafjörð:
Ljómar sól um lágreist býli
lítinn hól og þúfnakrans
Hér er Bóla, Hjálmarsskýli
höfuðból í vitund manns.
pebl@mbl.is