Miðborgin | Hátíð hafsins verður haldin á Miðbakka Reykjavíkurhafnar um næstu helgi. Hafnardeginum verður fagnað á laugardag og á sunnudag verður sjómannadagurinn haldinn hátíðlegur.
Dagskrá hátíðarinnar er fjölbreytt. Boðið verður upp á skemmtisiglingar á skólaskipinu Sæbjörgu. Sérstök flöskuskeytaferð verður farin á laugardaginn kl. 15. Öllum gefst kostur á að útbúa eigin skeyti í flöskuskeytagerð, sem verður í tjaldi á hafnarbakkanum.
Margar sýningar verða opnaðar á Miðbakkanum í ár. Ljósmyndasýning grunnskólabarna, söguleg sýning um hlutverk Reykjavíkurhafnar á hernámsárunum, sýning Kristins Benediktssonar á lífinu um borð í fiskibátum og sýning Hafrannsóknarstofnunnar á fiskum við strendur Íslands. Fyrsti íslenski togarinn, Coot, á aldarafmæli í ár og af því tilefni mun Sjóminjasafnið í Reykjavík opna sýningu um sögu togarans.
Meðal annarra atriða verður franski sirkusins Cirque, úrslit sjómannalagakeppni Rásar 2 og hátíðar hafsins verða gerð kunn, Gunni og Felix verða með söng og skemmtilegheit fyrir alla fjölskylduna og flutt atriði úr sýningunni Klaufar og kóngsdætur ásamt því sem haldin verður dorgveiðikeppni.
Til baka
Leita í greinasafni
Prenta grein
