— Morgunblaðið/Alfons
ÞAÐ er segin saga að það fiskast lítið í norðanáttinni í Faxaflóanum og það var ekki að sökum að spyrja, um leið og hann lægði að norðan fór að fiskast í netin hjá Happasæl KE.
ÞAÐ er segin saga að það fiskast lítið í norðanáttinni í Faxaflóanum og það var ekki að sökum að spyrja, um leið og hann lægði að norðan fór að fiskast í netin hjá Happasæl KE. Þeir eru að fá um 5 tonn í róðri þessa dagana skipverjarnir á Happasæl KE eftir fremur lélegt fiskirí undanfarnar vikur. Vorvertíðin var samt góð, aflinn orðinn um 350 tonn frá áramótum. Þeir félagar á Happasæl eru að vonum ánægðir með að fá smá aflahrotu áður en þeir fara í sumarfríið sitt eftir sjómannadaginn.