HREFNA Jóhannesdóttir skoraði fjögur mörk þegar KR sigraði FH, 6:1, í úrvalsdeild kvenna, Landsbankadeild, á KR-vellinum í gærkvöld. Með sigrinum er KR með fullt hús stiga í efsta sæti deildarinnar ásamt Breiðabliki með 9 stig eftir þrjár umferðir.
HREFNA Jóhannesdóttir skoraði fjögur mörk þegar KR sigraði FH, 6:1, í úrvalsdeild kvenna, Landsbankadeild, á KR-vellinum í gærkvöld. Með sigrinum er KR með fullt hús stiga í efsta sæti deildarinnar ásamt Breiðabliki með 9 stig eftir þrjár umferðir.
Júlíana Einarsdóttir og Hrefna komu KR í 2:0 á fyrstu 20 mínútunum. Valdís Rögnvaldsdóttir svaraði strax fyrir FH, sem átti síðan sláarskot undir lok fyrri hálfleiks. Í seinni hálfleik tók KR öll völd, Hrefna bætti við þremur mörkum og Guðrún Sóley Gunnarsdóttir einu.
Níu Valsmörk í Keflavík
Í Keflavík gjörsigruðu Íslandsmeistarar Vals nýliða Keflvíkinga, 9:0, og voru Valskonur komnar í 6:0 strax í fyrri hálfleiknum. Margrét Lára Viðarsdóttir, Rakel Logadóttir, Laufey Ólafsdóttir og Dóra María Lárusdóttir gerðu 2 mörk hver og Elín Svavarsdóttir skoraði eitt, tveimur mínútum eftir að hún kom inná sem varamaður.