BROTIST var inn í fimm bíla á Akureyri í fyrrinótt. Að sögn lögreglu var a.m.k. í einu tilviki stolnum bíl ekið innanbæjar og skilið við hann.

BROTIST var inn í fimm bíla á Akureyri í fyrrinótt. Að sögn lögreglu var a.m.k. í einu tilviki stolnum bíl ekið innanbæjar og skilið við hann. Þjófarnir höfðu í einhverjum tilvikum á brott með sér lausamuni, geisladiska og annað sem fólk geymdi í bílum sínum.

Að sögn lögreglu voru dæmi þess að bílar væru ólæstir sem farið var inn í, og vill lögregla brýna fyrir fólki að ganga vel frá bílum sínum.