BRIDS - Guðmundur Páll Arnarson | dagbok@mbl.is

Suður spilar fjóra spaða. Útspilið er smátt lauf, sagnhafi svínar, en austur á kónginn og trompar út í öðrum slag (og vestur er með).

Hvernig er best að spila?

Þetta er vandalaust ef hjartað fellur 3-3, en annars er hætta á að gefa tvo slagi á litinn. Það er langsótt að hægt sé að gera sér mat úr tíglinum og betri áætlun er að reyna að trompa fjórða hjartað í borði. Sem er hægt ef sá mótherji sem er með tvíspil í hjarta er líka með tvö tromp. En það verður að tímasetja spilamennskuna rétt.

Það verður að spila strax litlu hjarta undan tveimur efstu. Hvernig sem vörnin svarar getur sagnhafi nú skilið eitt tromp eftir í borði og stungið fjórða hjartað.