Davíð Hjálmar Haraldsson yrkir um jarðar gróður:
Grænmetið oss gerir hraust
- gulrót, kálið, næpan -
og berin tínum blá í haust
þótt bölvuð fylgi ræpan.
Einar Kolbeinsson sendir honum kjötkveðju:
Af grænmetinu glöggir sjá,
að gefst mjög lítill batinn,
og ég vil ekki éta frá
jórturdýrum matinn.
Fréttablaðið greindi frá bræðrum sem "byggðu höfn við túnfót móður sinnar". Konráð Erlendsson yrkir:
Bræður sjö með haga hönd,
haka, skóflu og taugar stinnar
höfn sér byggðu á
Höfðaströnd,
við hægri túnfót móður sinnar.
Björn Ingólfsson yrkir af sama tilefni:
Aftur hef ég af því spurn
sem ekki er talið minna
að maður byggði mikinn turn
milli túnfóta sinna.
pebl@mbl.is