Ávaxtakarfan, söngleikurinn vinsæli, verður sýndur í íþróttahöllinni á Akureyri á morgun, laugardag kl. 13.00. Í aðalhlutverkum eru Birgitta Haukdal, Selma Björnsdóttir og Jónsi, Jón Jósep Snæbjörnsson.
Ávaxtakarfan, söngleikurinn vinsæli, verður sýndur í íþróttahöllinni á Akureyri á morgun, laugardag kl. 13.00. Í aðalhlutverkum eru Birgitta Haukdal, Selma Björnsdóttir og Jónsi, Jón Jósep Snæbjörnsson. Aðstandendur sýningarinnar fullyrða að hér verði um að ræða stærstu barnaleiksýningu á Íslandi frá upphafi. Áhorfendur að Ávaxtakörfunni í Austurbæ, þar sem hún er sýnd í Reykjavík, eru rúmlega 500 en 1.500 áhorfendur komast fyrir í íþróttahöllinni.
Forsala aðgöngumiða er í verslunum Pennans á Akureyri, í Hafnarstræti og á Glerártorgi.