* nýtt

Stafræn jólakort á vef Menntagáttar

Nýlega var opnað jólakortasafn á Menntagátt. Allir nemendur í leik-, grunn- og framhaldsskólum geta sent inn myndir í safnið sem verða sjálfkrafa að jólakortum. Hægt er að senda jólakortin í tölvupósti til vina og ættingja um allan heim. Notkun á safninu er gjaldfrjáls.

Auk þess sem allir nemendur fá myndirnar sínar birtar í jólakortasafninu hljóta valdar myndir sérstaka viðurkenningu og verða höfundar þeirra verðlaunaðir. Skólavörubúðin veitir viðurkenningarnar. Engar sérstakar kröfur eru gerðar til mynda aðrar en að myndefnið henti á jólakort og að sköpunargleðin fái að njóta sín. Myndir skulu sendar í gegnum vef jólakortasafnsins á Menntagátt og geta þær verið af ýmsum stærðum og gerðum, skannaðar myndir, myndir teknar á stafrænar myndavélar, myndir unnar í myndvinnsluforritum eða blanda af þessum aðferðum.