BRIDS - Guðmundur Páll Arnarson | dagbok@mbl.is

Hagstætt útspil.

Suður spilar sex grönd og fær hagstætt útspil - lítið hjarta.

Hvernig á að tryggja tólf slagi?

Eftir útkomuna duga fjórir slagir á tígul og þá má tryggja ef liturinn liggur ekki verr en 4-1. Rétta íferðin er að taka fyrst á ásinn, fara svo heim og spila níunni að blindum með þeirri áætlun að láta hana svífa yfir ef vestur fylgir smátt. Þannig fást alltaf fjórir slagir á litinn þótt D10xx sé á sömu hendi.

Allt er þetta gott og blessað, en hins vegar þarf að huga að sambandinu á milli handanna líka. Ef sagnhafi sefur á verðinum og lætur hjartaþristinn úr borði í fyrsta slag mun drottningin kosta kónginn og þá kemur til með að vanta eina innkomu heima.

Skoðum málið: Tígull á ás í öðrum slag, heim á laufdrottningu og tígulníu spilað. Ef vestur fylgir smátt (sem er best) er vafasamt að láta níuna fara yfir. Og jafnvel þótt sagnhafi hitti á djúpsvíninguna neyðist hann til að svína í spaðanum.

Og lausnin er: Að stinga upp hjartagosa í fyrsta slag til að gulltryggja innkomu á hjarta síðar.