Verslunin Yggdrasill er 20 ára um þessar mundir. Rúnar Sigurkarlsson lætur lesendum ljúffengar uppskriftir í té.
Verslunin Yggdrasill er 20 ára um þessar mundir. Rúnar Sigurkarlsson lætur lesendum ljúffengar uppskriftir í té.
Linsu-lasagne fljótlegt og ljúffengt 3 stórar gulrætur 1 blaðlaukur 3 laukar 3 tsk Rapunzel-jurtakraftur 3 msk Rapunzel-ólívuolía 4 dl vatn 1 krukka DeRit soðnar linsur 1 krukka DeRit-tómatpuré Brecht-picatakrydd þurrkað oregano 1 dl rjómi, sojarjómi...
Linsu-lasagne

fljótlegt og ljúffengt

3 stórar gulrætur

1 blaðlaukur

3 laukar

3 tsk Rapunzel-jurtakraftur

3 msk Rapunzel-ólívuolía

4 dl vatn

1 krukka DeRit soðnar linsur

1 krukka DeRit-tómatpuré

Brecht-picatakrydd

þurrkað oregano

1 dl rjómi, sojarjómi eða hafrarjómi

Rapunzel-lasagneplötur

Grænmetið skorið smátt og steikt á pönnu í ólívuolíunni við lægsta hita í 7 mín. Vatninu síðan hellt yfir ásamt jurtakraftinum og þetta soðið undir loki í 10 mín. Þá er linsunum bætt út í ásamt picatakryddi og oregano og rjómanum hellt yfir.

Þá er allt sett í eldfast mót. Fyrst eitt lag af lasagneplötum (ath. að ekki þarf að forsjóða lasagneplöturnar). Síðan fyllingin og lasagneplötur til skiptis, fylling efst. Þetta þarf að baka í ofni við 200°C í ca 50 mín. Þá er lasagnað tekið úr ofninum og ostur settur yfir og bakað í 10 mín. í viðbót.

Borið fram með góðu hrásalati.

Eplakaka

2 egg

1 dl hrásykur

100 g smjör

2 ½ dl lífræn mjólk, sojamjólk eða haframjólk

1 ½ tsk vínsteinslyftiduft

½-1 bréf Rapunzel-vanillusykur

4 dl sigtað speltmjöl

4-5 meðalstór epli

Þeytið saman egg og sykur og bætið í bræddu smjörinu, þá mjólkinni og að síðustu speltmjölinu, lyftiduftinu og vanillusykrinum. Setjið í eldfast mót.

Afhýðið eplin og skerið í báta og setjið í deigið. Stráið 2-3 tsk. af kanelsykri yfir. Bakað í ofni í 45 mín. við 180°C. Borið fram með þeyttum rjóma.

Hýðishrísgrjóna- og hafragrautur

Þessi grautur er sérlega næringarríkur og mettandi og inniheldur mikið af trefjum og er því er sérstaklega góður fyrir meltinguna. Gott að nota sem morgungraut.

1 dl stutt Rapunzel-hýðishrísgrjón

1 dl heilir hafrar

4 dl vatn

sjávarsalt

lífræn nýmjólk, sojamjólk eða haframjólk

Rapunzel-apríkósur, fíkjur og hörfræ eftir smekk

Setjið 1 dl hrísgrjón og 1 dl heila hafra í pott með 4 dl af vatni. Látið suðuna koma upp og lækkið síðan hitann. Látið sjóða í ca 45 mín. Þurrkuðu ávextirnir eru saxaðir smátt og settir út í grautinn ásamt hörfræjum og þetta látið sjóða með síðustu 10 mínúturnar. Gott að setja smá mjólk út í síðustu 5-7 mínúturnar. Smá salt sett út í að lokum.

Þennan graut má einnig gera þannig að kornið er soðið kvöldið áður og þá þarf aðeins að sjóða það í 10-15 mínútur. Þá er slökkt á hellunni en potturinn látinn vera áfram á henni og standa yfir nótt. Þá er kornið tilbúið morguninn eftir. Heilt soðið korn geymist í kæli í þéttu íláti í nokkra daga.

Einnig er gott að setja út í grautinn möndlur, sesamfræ og sólblómafræ. Í þeim er mikið af góðum fitusýrum og næringarefnum. Í sesamfræjum er sérstaklega mikið af kalki.

Speltpitsa með hirsi

matarmikil og ljúffeng

Pitsubotn:

7 dl sigtað speltmjöl

4 msk Rapunzel-ólívuolía

1 tsk Rapunzel-sjávarsalt

1 msk þurrger (½ bréf Rapunzel-þurrger)

2 dl volgt vatn

Fylling:

½ kg laukur fínskorinn

3 stórar gulrætur grófrifnar

1 gul paprika skorin smátt (má sleppa)

5 msk ólívuolía

2 dl vatn

3 tsk. Rapunzel-jurtakraftur

4-5 tsk pitsakrydd eða oregano

½ krukka Fertilia-pitsasósa

1-2 tsk túnfiskur (má sleppa)

rifinn ostur

Hirsi

2 dl heilt hirsi

3 dl vatn

1 tsk sjávarsalt

Byrjið á að hnoða deigið. Setjið í skál, mjöl salt, ger og ólívuolíu og blandið vel saman með fingrunum. Setjið volgt vatn út í og hnoðið vel. Setjið á hlýjan stað með hreinum klút yfir. Þetta þarf að lyfta sér í 30-60 mín.

Því næst er hirsið soðið. Það er fyrst skolað vel með köldu vatni og einnig í lokin með sjóðandi vatni, til að skola burt saponinefni sem eru í ysta hýðinu. Síðan er það soðið við lægsta hita undir loki í 10 mín. Þá er slökkt á hellunni, lokið tekið af og hirsið látið standa áfram á hellunni í nokkrar mínútur og síðan látið kólna.

Þá er það fyllingin. Grænmetið er látið malla í ólívuolíunni við lægsta hita í 7-10 mín. Þá er vatninu bætt út í og jurtakrafti og þetta látið malla áfram við lægsta hita í 10 mín. eða þar til vatnið hefur soðið niður.

Fletjið út deigið í stóra ofnskúffu. Pitsasósunni smurt á, hirsinu stráð yfir og fyllingin sett yfir og að síðustu túnfiskurinn. Að síðustu er jurtakryddi og rifnum osti stráð yfir. Bakað í ofni í 20-25 mín. við 200°C.

Uppskriftir: Rúnar Sigurkarlsson