Hjálmar Freysteinsson yrkir um áramót og þykir tíminn líða hratt: Áfram tíminn tifar enn taktfast, örugglega, ætlar að gera úr mér senn ellilaunaþega.

Hjálmar Freysteinsson yrkir um áramót og þykir tíminn líða hratt:

Áfram tíminn tifar enn

taktfast, örugglega,

ætlar að gera úr mér senn

ellilaunaþega.

Það gerir Einar Kolbeinsson einnig:

Komin nú er, hver fær séð,

kveðjustundin grimm,

með tregafullum tárum kveð,

2005.

Síðan burtu sorgir rek,

sálarþrekið vex,

og með gleðitárum tek,

mót 2006.

Og loks yrkir Friðrik Steingrímsson í Mývatnssveit:

Framrás tíðar fæst ei breytt

farinn sami slóðinn,

safnast hefur ennþá eitt

ár í tímasjóðinn.

pebl@mbl.is

Höf.: pebl@mbl.is