ACTAVIS er talið verða meðal annarra félaga sem berjast munu um írska samheitalyfjafyrirtækið Pinewood Laboratories en í Hálf fimm fréttum KB banka segir að samkvæmt erlendum heimildum sé söluferli á Pinewood komið langt á leið og búast megi við því að...
ACTAVIS er talið verða meðal annarra félaga sem berjast munu um írska samheitalyfjafyrirtækið Pinewood Laboratories en í Hálf fimm fréttum KB banka segir að samkvæmt erlendum heimildum sé söluferli á Pinewood komið langt á leið og búast megi við því að lokatilboðum áhugasamra í félagið verði skilað inn fyrir vikulok . Önnur félög sem nefnd hafa verið í tengslum við söluferli Pinewood eru Teva og Barr . Actavis freistar þess nú að yfirtaka króatíska lyfjafélagið Pliva en Barr berst einnig um það félag. Hagnaður Pinewood á síðasta ári nam 5,5 milljónum punda og jókst um 38% frá árinu á undan, að því er fram kemur í Hálf fimm fréttum .