Blönduós | Þessir hundar voru að leik á hótellóðinni á Blönduósi og fóru mikinn.
Hundarnir höfðu ríka ástæðu til gleðiláta því sólin blessuð var farin skína.
Hugsanlega hafði líka fjarvera Nonna hunds sem býr í næsta húsi eitthvað með gleðina að gera. Hann er umtalsvert stærri en þessir tveir kútar.
Jafnvel mætti ganga svo langt að rifja upp hið fornkveðna: "Þegar kötturinn er úti leika mýsnar inni."
Smáhundar á borð við þessa verða æ algengari sýn hérlendis þótt gömlu fjárhundarnir standi alltaf fyrir sínu. Óneitanlega fara þessir þó betur í faðmi eigenda sinna og geta verið góðir félagar.