BRIDS - Guðmundur Páll Arnarson | ritstjorn@mbl.is

Reykjavíkurmótið.

Suður spilar 4♠.

Vestur er með fín varnarspil gegn fjórum spöðum, en auðvelda útkomu á hann ekki – lauf frá D10x virðist skást, en það útspil snargefur samninginn. Spilið er frá 5. umferð Reykjavíkurmótsins um helgina og mjög víða kom út lauf upp í gaffalinn. Sverrir Þórisson leysti vandann fagmannlega eftir sagnirnar "einn, tveir og fjórir spaðar". Sverrir lagði einfaldlega niður spaðaásinn til að kíkja á blindan og fá viðbrögð frá makker. Björn Friðriksson í austur vísaði laufinu kröftuglega frá og Sverrir skipti þá yfir í hjarta. Sagnhafi sótti trompið og rúllaði spöðunum í botn, en allt kom fyrir ekki og Sverrir fékk á endanum fjórða varnarslaginn á laufdrottningu.