BRIDS - Guðmundur Páll Arnarson | ritstjorn@mbl.is

Öðruvísi yfirfærsla.

Vestur spilar út tígultíu gegn slemmunni. Hvernig er best að spila?

Miði er möguleiki og fljótt á litið virðist sjálfsagt að svína tíguldrottningu, enda hugsanlegt að útspilið sé frá kóngnum. En verkefni sagnhafa er fyrst og fremst að fría hjartað og það skapar sveigjanleika í þeim efnum að fara upp með tígulás. Lítum á: Sagnhafi stingur upp tígulás, tekur tvo efstu í hjarta og trompar það þriðja með kóngnum. Fer heim á laufás, spilar hjarta og hendir ♦D. Tapslagurinn í tígli er yfirfærður á hjartað, en með því móti verður hægt að trompa tígul með hundi í borði án hættu á yfirtrompun.

Ef tígli er svínað í upphafi, fær austur á ♦K og annan slag á tromp síðar.